မင်္ဂလာပါခင်ဗျာ :::: ကျွန်တော်တင်သမျှ Post လေးများသည် ကျွန်တော်လေ့လာဖူးသမျှကို ပြန်လည်မျှဝေပေးခြင်းဖြစ်ပါတယ်။ သူငယ်ချင်းအားလုံးလည်း ကျွန်တော့် site မှကြိုက်နှစ်သက်တဲ့ မည့်သည့် Post ကိုမဆို မြန်မာ IT နည်းပညာဖွံ့ဖြိုးတိုးတက်ရေးအတွက် ပြန်လည်မျှဝေပေးစေလိုပါတယ်ဗျာ။ ::::

Yllix

Saturday, July 30

♪ “နည်းမျိုးစုံဖြင့်ယူနိုင်သည့်ကိုယ်ရေးအချက်အလက်များ” ♫


အချက်အလက်၊မှတ်တမ်းမှတ်ရာဆိုသည်မှာတစ်နေ့နေ့တစ်ချိန်ချိန်တွင် အသုံးဝင်တတ်ပါသည်။ဒါကြောင့်တခုတ်တရရေးသားမှတ်တမ်းတင်ကြပါ သည်။တစ်နေ့တာအသုံးစရိတ်ကအစတစ်နှစ်တာဘတ်ဂျက်ငွေတွက်ချက်မှု အဆုံးစာရင်းဇယားအချက်အလက်များကအရေးပါပါသည်။အချက်အလက်များကိုကြည့်ပြီး ပြုပြင်ဆောင်ရွက် သင့်သည်များကိုလုပ်ဆောင်နိုင်ပါသည်။ နည်းပညာ ကုမ္ပဏီများဆိုလျှင်တစ်နှစ်တာဝင်ငွေများကိုတွက်ချက် ချိန်ထိုး နှိုင်းယှဉ်ကြသလို၊၆လတစ်ဖြတ်၊၄လတစ်ဖြတ်ဝင်ငွေများကိုလည်းတွက်ချက် ကြပါသည်။အချက်အလက်များကိုမှတ်သားသိမ်းဆည်းမှုပုံစံတွေကတော့ခေတ်အဆက်ဆက်ပြောင်းလဲကြ ပါသည်။ကျောက်ထက်အက္ခရာနှင့်ကျောက်နံရံများတွင်ရေးခြစ်မှတ်သားခြင်း၊တိရစ္ဆာန်သားရေများနဲ့ရေး သားခြင်း၊ရွှေ၊ငွေ၊ ကြေးနှင့်အခြားသတ္တုများအပေါ်တွင်အက္ခရာအမှတ်အသားများမှတ်သားခြင်းစသဖြင့် နည်းမျိုးစုံနဲ့မှတ်သားခဲ့ကြပါသည်။ကျောက်သင်ပုန်းနှင့်ကျောက်တံများကိုလည်းသုံးခဲ့ကြပါသေးသည်။ ယခုအခါမှာတော့စက္ကူများ၊စာရွက်များဖြင့်ရေးမှတ်ခြင်းပြုသလို၊ကွန်ပျူတာ၊တက်ဘလက်နှင့်စမတ်ဖုန်းများနဲ့ လည်းမှတ်သားလာကြပါသည်။ခေတ်၏ပုံရိပ်တစ်ခုဖြစ်ခဲ့သောလက်နှိပ်စက်များနဲ့လည်ပတ်နေသောနေရာ များလည်းရှိပါသေးတယ်။လူတိုင်းနီးပါးစမတ်ဖုန်းသုံးစွဲခြင်းကြောင့်ဟန်းဖုန်းများမှာလူတစ်ယောက်၏ ကိုယ်ရေးအချက်အလက်ကိုမှတ်သား သိမ်းဆည်းပေးသောအဓိကအရာတစ်ခုဖြစ်လာပါသည်။ထိုစမတ်ဖုန်းများ အကြောင်းတစ်စုံတစ်ရာကြောင့်ပျောက်ပျက်သွားပါကကိုယ်ရေးအချက် အလက်များအတွက်ပါစိုးရိမ်စရာဖြစ်စေပါသည်။
မိမိအတွက်နေ့စဉ်အဖော်ဖြစ်နေသည့်နည်းပညာပစ္စည်းများမပျောက်ပျက် သော်လည်းကိုယ်ရေးအချက် အလက်များကိုခြိမ်းခြောက်နိုင်သည့်အခြားသောအန္တရာယ်များရှိပါသေးသည်။ဟက်ကာများ၊Virus နှင့် Malware များကြောင့် စီးပွားရေးနှင့်ဂုဏ်သိက္ခာပိုင်းတို့ထိခိုက်နိုင်ပါသည်။လူမှုကွန်ရက်တွင်ဓာတ်ပုံ၊အချက်အလက်တင်သူများ အတွက်ပင်Account ခိုးယူ၊ နှောင့်ယှက်ခံရမှုများ ကြုံတွေ့ကြရပါသည်။အခြားသူများ၏ဓာတ်ပုံများဖြင့်အကောင့်တုများဖွင့်၍ အကောင့်ပိုင်ရှင်နှင့်အခြားသူများကိုထိခိုက်အောင်ပြုတတ်ကြပါသည်။ Account ခိုးယူခံရမှု၊ကိုယ်ရေးကိုယ်တာနှင့်ဂုဏ်သိက္ခာထိခိုက်မှုအခံရဆုံး ကတော့ မိန်းကလေးများဖြစ်ပါသည်။ထိုသို့အချက်အလက်တွေဖောက်ထွင်း သူများ၊တခြားသူ၏Account ကိုအသုံးပြုသူများသည်ဝါရင့်Hacker များပဲ မဟုတ်ပါဘူး။သိပ်မရင်းနှီးသောမိတ်ဆွေများ၊စိတ်မချရသောဖုန်းပြုပြင်သည့်ဆိုင်များမှသူများ၊မိမိမရှိချိန် (သို့) မိမိထံမှဖုန်းကိုခဏအသုံးပြုသူများ၏ လက်ချက်လည်းအပါအ၀င်ဖြစ်ပါသည်။ဖုန်း (သို့) ကွန်ပျူတာများဖြင့် ငွေပေး၊ ငွေချေကိစ္စဆောင်ရွက်သည့်သူများအတွက်ဆိုလျှင်ထိခိုက်ဆုံးရှုံးမှုပိုများပါ သည်။Hacker များကလည်းနည်းပညာစနစ်နဲ့ငွေကြေးလည်ပတ်စီးဆင်း သည့်သူတွေနှင့်ကုမ္ပဏီများကိုအဓိကပစ်မှတ်ထားပါသည်။တိုက်ရိုက်ငွေကြေးဖောက်ထွင်းလို့မရပါက ကိုယ်ရေးကိုယ်တာအချက်အလက် (သို့) ကုမ္ပဏီ အချက်အလက်များကိုဖောက်ထွင်းရယူပြီးငွေညှစ်တတ်ကြပါသည်။အချို့ Hacker များကတော့ငွေကြေးရလိုမှုကြောင့်မဟုတ်ဘဲပညာခန်းပြသနိုင်ဖို့၊ တစ်ဖက်သားအခက်အခဲဖြစ်စေဖို့ရည်ရွယ်ပါသည်။အထူးသဖြင့်လုပ်ငန်းကြီး များ၊နိုင်ငံကြီးများ၏၀န်ကြီးဌာနများရဲ့လူမှုကွန်ရက်စာမျက်နှာများ၊အောင်မြင်ကျော်ကြားသူများ၏စာမျက်နှာ များကို နှောင့်ယှက်ဖျက်ဆီးဖို့ကြံရွယ် တတ်ကြ ပါသည်။
အကျိုးအမြတ်မယူသည့်ကိုယ်ရေးအချက်အလက်ကာကွယ်သော Clearinghouse အဖွဲ့ရဲ့အစီရင်ခံစာအရပြီးခဲ့သောနှစ်တွင်တက္ကသိုလ်အများစု ၏ အချက်အလက်များလည်းချိုးဖောက်ခံရသည်ဟုဆိုပါသည်။မှတ်ချက်ပြုခံ ခဲ့ရသည့်တက္ကသိုလ်များကတော့University of Maryland, North Dakota University နှင့်Butler University in Indianapolis တို့ဖြစ်ပါသည်။ကျန်းမာရေး ဆိုင်ရာကုသမှုများတွင်ဆေးမှတ်တမ်းများကိုနည်းပညာစနစ်များဖြင့်ပဲ လွယ်လင့်တကူသိမ်းဆည်းလာကြပါသည်။အခြားတစ်နေရာသို့ရောက်ရှိ နေခိုက်ဆေးရုံ၊ဆေးခန်းပြသရသည့် အခါမှာလည်းဆေးမှတ်တမ်းများကို အလွယ်တကူလွှဲပြောင်းပေးနိုင်ပါသည်။ထို့ကြောင့်ကျန်းမာရေးဆိုင်ရာအချက်အလက်များဟာလည်းစိုးရိမ် စရာပါ။လူနာနှင့်ဝန်ထမ်းများ၏အချက်အလက် များကိုရှာဖွေဖျက်ဆီးပါက၊ ဆေးဝါးကုသမှုဌာနများ၏ကွန်ပျူတာစနစ်တွေ ဖရိုဖရဲဖြစ်သွားပါကလူနာများ၏ကျန်းမာရေးနဲ့ပတ်သက်ပြီး၊ကုသမှုအပိုင်း၊ ဆေးဝါးပေးမှုအပိုင်းများတွင် ထိခိုက်နိုင်ပါသည်။စနစ်တစ်ခုချိုးဖောက်ခံရပါကအခြားစနစ်တူအသုံးပြုသည့်နိုင်ငံများစွာမှလူများပါထိခိုက် မှာဖြစ်ပါသည်။ အာမခံလုပ်ငန်းနဲ့သက်ဆိုင်သောအဖွဲ့အစည်းတစ်ခုဖြစ်သည့်Anthem ရဲ့ စာရင်းပြုစုထားသောအစီရင်ခံစာအရကျန်းမာရေးဆိုင်ရာဌာနများကိုHacker များထိခိုက်ပါကအကြောင်းအမျိုးမျိုးနဲ့ဆက်စပ်ပတ်သက်နေသောအသုံးပြုသူ 80 million နီးပါးရဲ့အချက်အလက်များချွတ်ချော်မှာဖြစ်ပါသည်။နောက်ဆုံးပေါ် နည်းပညာစနစ်များအသုံးပြုချင်ပါကအဆိုပါကုမ္ပဏီများမှသတ်မှတ်ထားသောစည်းမျဉ်း၊စည်းကမ်းများ (ဥပမာ-တည်နေရာ၊အသုံးပြုမှုဆိုင်ရာအခြား မှတ်တမ်းများ)ကိုသဘောတူလက်ခံမှအဆင်ပြေပါလိမ့်မည်။ထို့ကြောင့် ဘက် ပေါင်းစုံမှစောင့်ကြည့်မှုများပိုများနေသည့်အချိန်ကာလ ဖြစ်လာပါသည်။
ပုဂ္ဂလိကကုမ္ပဏီများ၊ဟက်ကာများသာမကသက်ဆိုင်ရာနိုင်ငံများမှလည်းနိုင်ငံလုံခြုံရေးအတွက် ပြည်သူများ ကိုစောင့်ကြည့်သောကြောင့်Privacy အရေးနှင့် ပတ်သက်၍မေးခွန်းထုတ်မှုများရှိလာခဲ့ပါသည်။ဥပမာအားဖြင့်အမေရိကန်၏ အချို့သောလျှောက်လွှာပုံစံများတွင်ဆက်သွယ်ရန်လိပ်စာ၊ဖုန်းနံပါတ်၊မိသားစု၊ဆွေမျိုးနှင့်အခြားကိုယ်ရေး အချက်အလက်များကို ဖြည့်စွက်ရသည့်အပြင် ဖြည့်စွက်သူသည်လက်မထပ်ဘဲအတူနေသလားမနေဘူး လားဆိုတာကိုပါ ဖြည့်ဖို့လိုအပ်ပါသည်။အစိုးရဘက်ကတော့ထိုသို့အချက်အလက်မျိုးစုံကို ကောက်ယူမှ သာ ပြည်ထောင်စုအနေဖြင့်အကဲဖြတ်သည့်အခါပိုမိုအထောက် အပံ့ ဖြစ်ကြောင်းမှတ်ချက်ပြုပြောဆိုပါသည်။ကိုယ်ရေးအချက်အလက်ထိပါး မှုအပိုင်းသည်လူကြီးများတွင်သာသက်ရောက်သည်မဟုတ်ဘဲကလေးများတွင်လည်းဆိုးကျိုးဖြစ်စေပါသည်။ ယနေ့ခေတ်၏ကလေးသူငယ်များသည်အရွယ်မတိုင်မီငယ်စဉ်ကပင်နည်းပညာပစ္စည်းများနဲ့ရင်းနှီးနေကြပါ သည်။နည်းပညာ ကုမ္ပဏီများကလည်းကလေးသူငယ်များသုံးစွဲနိုင်သည့်စမတ်ကစားစရာများကိုထုတ်လုပ်ရောင်းချပေးထားပါ သည်။ထိုအရုပ်များတွင်ကစားသူကလေးငယ် များ၏ယေဘုယျကျသောအချက်အလက်များထည့်သွင်းထားကြပါသည်။ ထို့ကြောင့်အဆိုပါSmart Toy အရုပ်များတွင်ရှိသောကလေးငယ်များ၏ နာမည်၊ အမူအကျင့်ကဲ့သို့သောအချက်အလက်များကိုနည်းပညာကျွမ်းကျင် သောဒုစရိုက်သမားများကရ ယူ၍သွေးဆောင် ဖြားယောင်းခေါ်ဆောင်ခြင်းပြု နိုင်ပါသည်။GPS စနစ်ပါသောကစားစရာများကိုတိုက်ခိုက်၍တည်နေရာနှင့် အခြား သောမှတ်တမ်းများရယူပြီးကလေးငယ်နှင့်မိသားစုကိုဒုက္ခပေးခြင်းမျိုး လည်းပြုလုပ်နိုင်ပါသည်။
မိမိသုံးစွဲနေသောနည်းပညာပစ္စည်းအဟောင်းများကိုရောင်းချသည့်အခါတွင်လည်းအချက်အလက်များ တစ်ပါးသူလက်ထဲမပါသွားရန်အထူးသတိထားသင့် ပါသည်။အချို့သောအချက်အလက်များသည်ဖျက်လိုက်သော်လည်းအမှန် တကယ်ပျက်သွားခြင်းမရှိဘဲRecover ကြောင့် ပြန်လည်ရယူနိုင်ပါသည်။OS များစွာရှိသည့်အထဲတွင်မှAndroid သည်အခြားOSများထက်ပိုမိုစိုးရိမ်ဖွယ် ကောင်းပါသည်။Asset Disposal & Information Security Alliance ၏ သုတေသနပြုချက်တွင်Apple နှင့်BlackBerry ပစ္စည်းများမှာပိုမိုကောင်းမွန် ကြောင်းမှတ်ချက်ပြုထားပါသည်။သို့သော်Apple ၏လုံခြုံရေးစည်းကိုFBI ကကျော်လွှားလာနိုင်ပါသည်။ရောင်းချသည့်နေရာရောက်မှDevice ထဲရှိ Dataများကိုဖျက်ခြင်း၊ကူးခြင်းထက်အခြားစိတ်ချရသည့်တစ်နေရာရာတွင် Device အားမှတ်ဥာဏ်ရှင်းသင့်ပါသည်။အချို့သောစမတ်ဖုန်းသုံးစွဲသူများ ကတော့အရေးကြီးသည့်အချက်အလက်အများအပြားကိုSD ကတ်ထဲတွင်သာ သိမ်းဆည်းကြပါသည်။Virus သတ်ခြင်းနှင့်အခြားသောကိစ္စများဖြစ်ပွားသည့် အခါလွယ်လင့်တကူနဲ့အချက်အလက်များမပျက်စီးစေရန်အတွက်ဖြစ်ပါသည်။ Laptop, Desktop တို့တွင်တပ်ထားသောCam များမှနေ၍လည်းဒုစရိုက် သမား များကသုံးစွဲသူများကိုပိုမိုစောင့်ကြည့်နိုင်သောကြောင့်အချို့သူများ သည်Cam များကိုလိုအပ်ချိန်သာသုံးပြီး၊ကျန်အချိန်များတွင်ဖုံးအုပ်ထား တတ်ကြပါသည်။Hacker များ၏ရန်သည်ပိုမိုကျယ်ပြန့်လာပြီး၊အင်အား စိုက်ထုတ်မှုနည်းနည်းနဲ့ပင်လုံခြုံမှုအားနည်းသောNetwork များကိုဝင်ရောက် နိုင်ပါသည်။ထို့အပြင်Network များ၊လူမှုကွန်ရက်များပေါ်မှလည်း ဆယ်ကျော် သက်များကိုသွေးဆောင်ဖြားယောင်းပြီး၊အစွန်းရောက်ဝါဒများ ဖြန့်ဝေကာ စည်းရုံးသိမ်းသွင်းမှုများ ပြုလုပ်ခြင်းများလည်းရှိပါသည်။
Hacker များကရည်ရွယ်ချက်ဖြင့်အချက်အလက်များကိုဖောက်ထွင်းသလို၊ အကြမ်းဖက်သမားများကလည်းအွန်လိုင်းအသုံးပြု၍သက်ဆိုင်ရာရည်ရွယ်ချက်များကိုအကောင် အထည်ဖော်ကြပါသည်။နည်းပညာစနစ်သုံးစွဲသူများအနေဖြင့်Hacker များနှင့်မကောင်းမှုအကြံအစည်ရှိသောသူများ၏ရန်ကိုနည်းပညာစနစ် ဖြင့်တန်ပြန်ကာကွယ်ရုံသာမကဘဲ အထွေထွေဗဟုသုတ ကြွယ်ဝမှုဖြင့်လည်း တတ်နိုင်သမျှကာကွယ်ဖို့လိုအပ်ပါသည်။မကောင်းသောဓာတ်ပုံ၊ဗီဒီယိုများရိုက် ခြင်းကိုလည်းရှောင်ကြဉ် သင့်ပါသည်။အခြားသောအချက်အလက်များ ပေါက်ကြားခြင်း၊ဖောက်ထွင်းခံရခြင်းထက်မကောင်းသော အချက်အလက်များပါရှိသွားပါကနစ်နာမှုများစွာပိုဖြစ်နိုင်ပါသည်။

ငြိမ်းချမ်းတိုး
Mobile Guide Journal (Every Monday)
https://www.facebook.com/officialmobileguidejournal




<<< အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။ >>>
 




www.pyaephyo.com

No comments :

Post a Comment

Related Posts Plugin for WordPress, Blogger...