မင်္ဂလာပါခင်ဗျာ :::: ကျွန်တော်တင်သမျှ Post လေးများသည် ကျွန်တော်လေ့လာဖူးသမျှကို ပြန်လည်မျှဝေပေးခြင်းဖြစ်ပါတယ်။ သူငယ်ချင်းအားလုံးလည်း ကျွန်တော့် site မှကြိုက်နှစ်သက်တဲ့ မည့်သည့် Post ကိုမဆို မြန်မာ IT နည်းပညာဖွံ့ဖြိုးတိုးတက်ရေးအတွက် ပြန်လည်မျှဝေပေးစေလိုပါတယ်ဗျာ။ ::::

Yllix

Monday, July 25

♪ " မိမိ၏ PC နှေးကွေးသည့်အခါ " ♫


ကွန်ပျူတာဆိုသည်က ဝယ်ခါစအသစ်မှာ အလွန်သုံး၍ကောင်းသည်။ နောက်ပိုင်းမှာတော့ ကြာလေနှေးလေ။ မနှေး၍လည်း မခံနိုင်။ အခမဲ့နီးပါးရသဖြင့် software စီဒီဆိုင်မှဝယ်ယူပြီး သွတ်သွင်းထားသော application အခမဲ့ပေးသဖြင့် အွန်လိုင်းမှဆွဲချပြီး သွတ်သွင်းထားသော application များ၊ မိမိစိတ်တိုင်းကျ စုဆောင်းသွတ်သွင်းထားသော သီချင်းများ၊ စိတ်တိုင်းမကျသဖြင့် ဖျက်ပစ်လိုက်သောဖိုင်များ စသည့် အကြောင်းခြင်းရာပေါင်းများစွာ စုစည်းမိလာသည့်အတွက် ကွန်ပျူတာနှေးကွေးရသည်မှာ မဆန်း။

ကွန်ပျူတာနှေးကွေးသည်ဟု ဆိုခြင်းမှာ မိမိ၏ ပုဂ္ဂလိကအမြင်လည်း ဖြစ်နိုင်သည်။ အမှန်တကယ်နှေးကွေးနေခြင်းလည်း ဖြစ်နိုင်သည်။ ထိုအခြင်းအရာနှစ်ခုကို မည်သို့ခွဲခြားကြမည်နည်း။ မခက်ပါ။ ကွန်ပျူတာ၏ အမြန်နှုန်းကို အခမဲ့ဆန်းစစ်ပေးနိုင်သော Boot Racer ရှိပါသည်။ www.bit.ly/boot 397 မှ download ချပြီး အသုံးပြုနိုင်ပါသည်။ Windows ဖွင့်ချိန်၌ ဤ software အား အတူလိုက်တက်ခွင့် ပြုမည်ဆိုပါက ကွန်ပျူတာ၏ start up အတွက် အချိန်မည်မျှကြာသည်ကို တိုင်းတာပေးပါမည်။ ကွန်ပျူတာအလုပ်လုပ်သော အမြန်နှုန်းကိုလည်း တွက်ချက်ပေးပါမည်။ ယင်းအချက်အလက်တို့အား မကြာခဏ မှတ်တမ်းတင်ထားမည်ဟုဆိုပါက မိမိ၏ကွန်ပျူတာ ပို၍ ပို၍ နှေးကွေးလာခြင်း ရှိမရှိ သိနိုင်ပါမည်။

နှေးကွေးလာသော ကွန်ပျူတာအတွက် software ပိုင်းဆိုင်ရာ ဆောင်ရွက်ချက်များဖြင့် မြန်ဆန်လာအောင် ပြုလုပ်နိုင်သည်။ အလွယ်ကူဆုံးပြုလုပ်နိုင်သည့် အလုပ်တစ်ခုမှာ ကွန်ပျူတာအတွင်းမှ အမှိုက်ဖိုင်များကို ရှင်းလင်းခြင်းဖြစ်သည်။ ထိုကိစ္စအတွက် CCleaner ကို သုံးနိုင်သည်။ အခမဲ့ရနိုင်သော software ဖြစ်ပြီး www.piriform.com/ccleaner မှနေ၍ အခမဲ့ download ချပြီး အသုံးပြုနိုင်ပါသည်။ CCleaner သည် အမှိုက်ဖိုင်ဟုဆိုနိုင်သော Junk file များကို ရှင်းလင်းပေးနိုင်သည်သာမက Software uninstallation မှ ကျန်ခဲ့သော ဖိုင်အကြွင်းအကျန် အစအနများကိုလည်း ဖယ်ရှားပေးနိုင်သည်။

CCleaner မှာ start up manager ပါသည်။ ကွန်ပျူတာပွင့်ချိန်မှာ လိုက်ဖွင့်ဖို့ လုံးဝမလိုသော application များ process များကို disable လုပ်ထားနိုင်စွမ်းရှိသည်။ ထို့ပြင် disk space အား မည်သို့ခွဲဝေသုံးစွဲထားသည်ကို ဆန်းစစ်ပေးသော disk analyser ၊ ဖိုင်တူများကို ရှာဖွေပေးသော duplicate finder ၊ ဖိုင်များပြောင်စင်အောင် ဖျက်ပေးမည့် drive wiper ၊ မလိုအပ်သော add on များကို ဖျက်ပေးနိုင်မည့် browser plugins remover တို့ကလည်း အသုံးဝင်လှပါသည်။ မိမိ၏ system အား သပ်သပ်ရပ်ရပ် သန့်သန့်ရှင်းရှင်းဖြစ်အောင် အကောင်းဆုံးဆောင်ရွက်ပေးနိုင်သည်။

သို့သော် CCleaner ၏ရှင်းလင်းရေးလုပ်ငန်းစဉ်မှာ အတိုင်းထက်အလွန်ဖြစ်နေသည့်အတွက် တစ်ခါတစ်ရံတွင် performance နှင့်ပတ်သက်သည့် ပြဿ နာများပေါ်တတ်သည်။ ပမာအားဖြင့်ဆိုသော် CCleaner သည် browser cache ကို default တွင် ရှင်းလင်းပစ်ခြင်းမျိုးဖြစ်သည်။ ထိုသို့သောဖြစ်ရပ်က Web browsing ကို နှေးကွေးသွားစေပါသည်။ သဘာဝအားဖြင့်ဆိုလျှင် browser သည် website တစ်ခုအား ဝင်သည့်အခါ web content အချို့ကို browser cache အဖြစ် သိမ်းဆည်းထားပါသည်။ ထို့ကြောင့် နောက်တစ်ကြိမ် ယင်း website သို့ပြန်လာသည့်အခါ cache ထဲတွင်ရှိနေသော web content များကို ထပ်မံသိမ်းဆည်းစရာမလိုတော့ပါ။ ထို့ကြောင့် page loading အတွက် အချိန်ကုန်သက်သာစေပါသည်။ ထို့ကြောင့် cache ထဲရှိ ဖိုင်အဟောင်းအားလုံးကို အလိုအလျောက်ဖျက်ခွင့်မပေးသင့်ပါ။ CCleaner ကို သုံးရသည်မှာ တန်ဖိုးရှိပါသည်။ သို့သော် ယင်းကိုသုံး၍ တစ်လမှတစ်ကြိမ်ထက်ပိုပြီး သန့်ရှင်းရေးမလုပ်သင့်ပါ။ ခိုင်လုံသော အကြောင်းမရှိဘဲ browser cache များကိုလည်း မရှင်းလင်းသင့်ပါ။

CCleaner ကိုသုံး၍ရှင်းလင်းခြင်းမှာ ကွန်ပျူတာမြန်ဆန်ရေးအတွက် ပထမအဆင့်သာ ရှိပါသေးသည်။ ဒုတိယပြုလုပ်သင့်သည့် အဆင့်မှာ OS ၏ registry ကို ရှင်းလင်းရေးဖြစ်သည်။ သို့သော် registry မှာ အမှိုက်များကို ရှင်းလင်းရသည့်အလုပ်မှာ အခန့်မသင့်လျှင် အန္တရာယ်များပါသည်။ ထို့ကြောင့် Registry Cleaner များ၊ Registry defragmenter များ၏ အကြောင်းကို လုံလောက်စွာသိထားရန်လိုသည်။ Registry Cleaner တစ်ခုသည် ဦးစွာ Windows registry ကို scan လုပ်ပါမည်။ ယင်းနောက်အတွင်း component များကို ခွဲခြမ်းစိတ်ဖြာစစ်ဆေးပြီး အမှားများကို ရှာဖွေပါမည်။ ထို့ပြင် Performance ကို ထိခိုက်စေသည့် outdated key များကို ရှာဖွေပါမည်။ ယင်းနောက် ပြဿ နာရှိသောအရာများကို ရှင်းလင်းရန် ကွန်ပျူတာသုံးစွဲသူအား တင်ပြပေးပါမည်။

အခြားတစ်ဖက်တွင်မူ registry defragmenter များသည် registry database ကို အစီအစဉ်တကျဖြစ်အောင် ပြန်လည်နေရာချပါသည်။ ထို့ကြောင့် data များသည် အစီအစဉ်တကျ စာအုပ်အစည်းမပျက်ရှိပါမည်။ data တစ်ခုနှင့်တစ်ခုကြား ကွက်လပ်များရှိမည် မဟုတ်တော့ပါ။ ထိုကဲ့သို့ အစီအစဉ်တကျ နေရာပြန်ချပေးသော အလုပ်မျိုးသည် Windows XP ခေတ်ကဆိုလျှင် အထူးပင်အကျိုးများပါလိမ့်မယ်။ သို့သော် ယနေ့ကွန်ပျူတာ များသည် အလွန်မြန်သည်ဖြစ်ရာ registry ထဲတွင် အမှားများ၊ အခြေအနေနှင့် မကိုက်ညီသော entry များရှိပင်ရှိစေကာမူ လျင်မြန်စွာ အလုပ်လုပ်ပေးနိုင်ပါသည်။ Hardware တို့၏ စွမ်းဆောင်ရည်မြင့်မားခြင်းကြောင့် registry အမှားများရှိပင်ရှိစေကာမူ ကွန်ပျူတာနှေးကွေးသွားခြင်း၊ ပြဿ နာများဖြစ်ပေါ်စေခြင်းတို့ မရှိနိုင်ပါ။ ဒေါ်လာ ၃ဝ မှ အထက် တန်ဖိုးရှိသော registry defragmenter များကမူ ကွန်ပျူတာမြန်နှုန်းမြင့်လာစေရေးအတွက် registry defragmentation လုပ်ဖို့လိုသည်ဟု ဆိုကြပါမည်။ ယင်းအဆိုက နားမယောင်ဖို့ လိုပါသည်။

ကွန်ပျူတာအမြန်နှုန်း မြင့်တက်လာအောင် လုပ်မည်ဟုဆိုလျှင် ကွန်ပျူတာနှေးကွေးအောင်လုပ်သော Windows services တို့ကို disable သို့မဟုတ် delay ပြုလုပ်ရန်လိုသည်။ Windows သည် OS အတွက် လိုအပ်မည်ဟုထင်သော service တို့ကို OS အထက်မှာ တစ်ပါတည်း ဆွဲတင်လာပါသည်။ ထို့ကြောင့် OS ကို ပြည့်စုံကောင်းမွန်စွာသုံးချင်လျှင် ယင်း service အားလုံးဆွဲတင်ပြီးသည်အထိ စောင့်ဆိုင်းပေးရပါသည်။ ကွန်ပျူတာလုပ်ဆောင်မှုမြန်စေလိုလျှင် services tool ကိုသုံး၍ ယင်း service တို့ကို disable သို့မဟုတ် delay လုပ်နိုင်သည်။ ထိုသို့ပြုလုပ်ရန်အတွက် start နေရာတွင် ကလစ်နှိပ်ကာ ပေါ်လာသောအကွက်ထဲတွင် services.msc ဟုရိုက်ထည့်ပြီး Enter ခေါက်ရပါမည်။

ယင်းနောက် ပေါ်လာသောအကွက်ထဲမှ services စာရင်းကို အသေအချာစစ်ဆေးနိုင်သည်။ Service တစ်ခုကိုရွေးကာ ဘယ်ကလစ်နှစ် ချက်နှိပ်လိုက်မည်ဆိုလျှင် ယင်းနှင့်ပတ်သက်သော လုပ်ဆောင်ဖွယ်တို့ကို start up type box တွင် မြင်ရပါမည်။ Automatic ၊ Automatic (Delayed Start) ၊ Manual ၊ Disabled စသည်တို့ထဲမှ အဆင်ပြေရာတစ်ခုကို ရွေးနိုင်သည်။ ထိုကိစ္စမှာလည်း registry defragmentation နှင့် ဆင်သည်။ Service များထဲမှ အချို့ကိုရွေးချယ်ပြီး disable သို့မဟုတ် delayed လုပ်သည့်တိုင် Windows start up သည် သိသိသာသာကြီး မြန်မလာပါ။

ယနေ့ခေတ် ကွန်ပျူတာများတွင် Processor ၏ စွမ်းဆောင်ရည် မြင့်ပါသည်။ ကွန်ပျူတာအများစုတွင် RAM ကို DDR 3 1600 MHz 4 GB လောက်အထိ ထည့်သွင်းလာပြီဖြစ်ရာ ယင်းစွမ်းပကားသည် Windows အထက်တွင် ဆွဲတင်လိုသော service အားလုံးကို ကိုင်တွယ်ဆောင်ရွက်နိုင်သည့် စွမ်းဆောင်ရည်ရှိပါသည်။ Service အားလုံးဆွဲတင်လာသဖြင့် ကွန်ပျူတာသိသိသာသာကြီး နှေးမသွားနိုင်ပါ။ Disabled Service တို့ လုပ်ဆောင်ထားလျှင် Windows အဆင်သင့်ဖြစ်သည့်ကာလ အနည်းငယ်ပိုမြန်ကောင်းမြန်လာပါမည်။

အကယ်၍ delayed services ကို ရွေးလျှင် Windows အဆင်သင့်ဖြစ်ပြီး နောက်ထပ် ၂ မိနစ်အကြာတွင် ယင်း service များကို ဆွဲတင်လာပါမည်။ အချိန်မည်မျှအကြာ၌ Windows အပြည့်အဝ အဆင်သင့်ဖြစ်စေ လိုသည်ဆိုသည်မှာ မိမိအပေါ်၌ မူတည်ပါသည်။ Services နှင့်ပတ်သက်ပြီး ဆောင်ရွက်သင့်သည်မှာ RAM ပမာဏကို 32 bit အတွက် 4 GB သို့ တိုးနိုင်လျှင်တိုးရန်နှင့် DDR 3 (သို့မဟုတ်) DDR 4 ၏ RAM speed ကို အမြင့်ပိုင်းနှင့် လဲလှယ်ပေးရန်တို့ ဖြစ်ပါသည်။ RAM 8 GB အထိ တင်ပြီး 64 bit Windows ကို သုံးလျှင် ကွန်ပျူတာနှေးကွေးမှု မသိသာပါ။

ဧဧသက် (ဖြိုးဓနဒစ်ဂျစ်တယ်ဓာတ်ပုံ)
NetGuide Journal (Every Wednesday)
https://www.facebook.com/officialnetguidejournal




<<< အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။ >>>
 




www.pyaephyo.com

No comments :

Post a Comment

Related Posts Plugin for WordPress, Blogger...