မင်္ဂလာပါခင်ဗျာ :::: ကျွန်တော်တင်သမျှ Post လေးများသည် ကျွန်တော်လေ့လာဖူးသမျှကို ပြန်လည်မျှဝေပေးခြင်းဖြစ်ပါတယ်။ သူငယ်ချင်းအားလုံးလည်း ကျွန်တော့် site မှကြိုက်နှစ်သက်တဲ့ မည့်သည့် Post ကိုမဆို မြန်မာ IT နည်းပညာဖွံ့ဖြိုးတိုးတက်ရေးအတွက် ပြန်လည်မျှဝေပေးစေလိုပါတယ်ဗျာ။ ::::

Yllix

Wednesday, July 13

♪ ကြော်ငြာထားတဲ့အတိုင်း ရေစိမ်ခံနိုင်ခြင်းမရှိတဲ့ Samsung Galaxy S7 Active ♫


Samsung ဟာ သူတို့ရဲ့ နာမည်ကြီး အဓိကစမတ်ဖုန်းဖြစ်တဲ့ Galaxy S7 စမတ်ဖုန်းရဲ့ လုပ်ဆောင်ချက်တွေကို ကြေငြာခဲ့ရာမှာ ရေစိမ်ခံနိုင်တယ်ဆိုတဲ့ လုပ်ဆောင်ချက်တစ်ချက်ကိုလည်း အဓိက Highlight လုပ်ပြီး ကြေငြာခဲ့ပါတယ်။ Galaxy S7 ကို ကြော်ငြာရာမှာ ဟစ်ဟော့ပ်အဆိုတော် Lil Wayne က ဖုန်းအပေါ်ကို ရှန်ပိန်တွေလောင်းချခဲ့တဲ့ ကြော်ငြာလည်း ပါဝင်ပါတယ်။

ဒါပေမယ့် ယခုတော့ Samsung ထုတ်ကုန်ရဲ့ ရေစိမ်ခံနိုင်တဲ့ စွမ်းရည်အပေါ် Review Website တစ်ခုဖြစ်တဲ့ Consumer Reports ကစမ်းသပ်ခဲ့ရာမှာ ကျရှုံးခဲ့ကြောင်း သိရပါတယ်။ Consumer Reports က အကြမ်းခံ စမတ်ဖုန်းအနေနဲ့ သီးသန့်ထုတ်လုပ်ထားတဲ့ Galaxy S7 Active ကိုစမ်းသပ်ခဲ့ရာမှာ ယခုလို သံသယဖြစ်ဖွယ်ရာ ရလဒ်ဆိုးထွက်ပေါ်လာခဲ့တာပါ။

Samsung Galaxy S7 Active ကို ရေအနက် ငါးပေရှိသလိုဖြစ်အောင်ပြုလုပ်ထားတဲ့ ရေတိုင်ကီထဲကို ထည့်ထားရာမှာ ဖုန်းဟာ အလုပ်မလုပ်တော့ပဲ ပျက်သွားခဲ့တာပါ။ Consumer Reports အနေနဲ့ နောက်ထပ်တစ်လုံးကို ထပ်မံထည့်သွင်းပြီး စမ်းသပ်ရာမှာလည်း ပျက်သွားခဲ့ပါတယ်။

နာရီဝက်လောက်အကြာမှာ စမ်းသပ်ခဲ့တဲ့ Galaxy S7 ဖုန်းနှစ်လုံးစလုံးဟာ မျက်နှာပြင်မှာ ဘာတုံ့ပြန်မှုမှ မရှိပဲ အစိမ်းရောင် အစင်းကြောင်းတွေပဲ ပေါ်နေတာကိုတွေ့ခဲ့ရတာလည်း ဖြစ်ပါတယ်။ ကင်မရာပေါက်တွေမှာလည်း ရေငွေ့တွေရိုက်နေတာကို ဗီဒီယိုမှာ ပြသခဲ့ပါတယ်။



Galaxy S7 ဖုန်းတွေအတွက် ရေစိမ်ခံနိုင်တဲ့ အရည်အသွေးစံသတ်မှတ်ချက် IP68 ကို ပြည့်မှီကြောင်း ကြေညာထားပေမယ့် တူညီတဲ့အခြေအနေတွေမှာတောင် S7 ရော၊ S7 Edge ရောဟာ ရေစိမ်ခံနိုင်မှုစွမ်းရည်ကို ပြည့်မှီခြင်းမရှိကြောင်း ရေးသားထားခဲ့တာဖြစ်ပါတယ်။ “အကြမ်းခံဖုန်းအနေနဲ့ သီးသန့်ထုတ်လုပ်ထားတဲ့ Samsung Galaxy S7 Active ဖုန်းတွေဟာ စမ်းသပ်မှုမှာ ကျရှုံးခဲ့ပါတယ်” လို့ ဆိုက်ကဆိုခဲ့ပါတယ်။

Samsung ကတော့ ဒီမော်ဒယ်တွေဟာ ရေစိမ်ခံနိုင်တဲ့ စွမ်းရည်မှာ ချွတ်ယွင်းချက်ရှိနေတာ ဖြစ်နိုင်ကြောင်း ပြောကြားခဲ့တယ်လို့ BBC ကဆိုပါတယ်။ အဲ့ဒီအပြင် ကုမ္ပဏီအနေနဲ့ ရေစိုခံခြင်း စွမ်းရည်နဲ့ ပတ်သက်ပြီး အလွန်နည်းပါးတဲ့ Complain တွေသာရရှိထားကြောင်း ပြောကြားခဲ့ပြီး တကယ်လို့ ဖြစ်လာခဲ့ရင်လည်း ဒီမော်ဒယ်တွေဟာ အာမခံသက်တမ်းကာလအတွင်းမှာ အကြုံးဝင်မှာ မဟုတ်ဘူးလို့ဆိုခဲ့တာပါ။

Hip Hop အဆိုတော် Lil Wyane ၏ Samsung Galaxy S7 ကြော်ငြာ



Credit to ==>Digital Times


<<< အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။ >>>
 




www.pyaephyo.com

No comments :

Post a Comment

Related Posts Plugin for WordPress, Blogger...