မင်္ဂလာပါခင်ဗျာ :::: ကျွန်တော်တင်သမျှ Post လေးများသည် ကျွန်တော်လေ့လာဖူးသမျှကို ပြန်လည်မျှဝေပေးခြင်းဖြစ်ပါတယ်။ သူငယ်ချင်းအားလုံးလည်း ကျွန်တော့် site မှကြိုက်နှစ်သက်တဲ့ မည့်သည့် Post ကိုမဆို မြန်မာ IT နည်းပညာဖွံ့ဖြိုးတိုးတက်ရေးအတွက် ပြန်လည်မျှဝေပေးစေလိုပါတယ်ဗျာ။ ::::

Yllix

Monday, September 12

♪ “မှတ်စုတွေ စမတ်ကျကျသိမ်းထားဖို့ Galaxy Note 5” ♫


Note 5ရဲ့ မျက်နှာပုံရိပ်ဖော်ပြမှုအပိုင်းမှာအတော်လေးကိုအဆင့်အတန်း မြင့်မားလှပါတယ်။ ရုတ်တရက်ကြည့် လိုက်မယ်ဆိုရင် Note 5 ဟာSG6 နဲ့ တူညီတဲ့ ဒီဇိုင်းဖြစ်နေတာကိုတွေ့ရမှာဖြစ်ပါတယ်။ ၅.၇ လက်မမျက်နှာပြင် ပြောင်းလဲမှုကြောင့်သာပုံစံအားဖြင့်ခြားနားသွားတယ်လို့ ထင်ရမှာပါ။ ကိုယ်ထည်တည်ဆောက်ထားမှုပုံစံကို ကြည့်လိုက်တဲ့အခါမှာတော့ ဆင်းကတ် ထည့်သွင်းရမယ့် နေရာဟာဖုန်းရဲ့ အပေါ်ထိပ်ဘက်မှာရှိနေမှာပါ။ ပြည်တွင်း ဈေးကွက်အတွက်ကတော့ dual-simအသုံးပြုနိုင်ပါလိမ့်မယ်။

ဖုန်းရဲ့ဘယ်ဘက် ဘေးဘောင်မှာတော့ အသံအတိုး၊ အကျယ်ခလုတ်ကိုတပ်ဆင်ပေးထားပြီး အခြားဘက်မှာတော့ ပါဝါခလုတ်ကို တပ်ဆင်ပေးထားပါတယ်။ နောက်ကျောဘက်မှာတော့ 16MP အဓိကကင်မရာနဲ့အတူtwo-tone flash တွဲဖက် တပ်ဆင်ပေးထားပါလိမ့်မယ်။ အရှေ့ဘက်မျက်နှာပြင်ကို ကြည့်လိုက် မယ်ဆိုရင်တော့ တောက်ပစိုပြည်မှုမှာ ပြိုင်ဘက်ကင်းတဲ့ display နဲ့အတူ5MP ကင်မရာငယ် တပ်ဆင်ပေးထားမှာဖြစ်ပါတယ်။ Home Button ဟာဖုန်းရဲ့ လုံခြုံရေးဆိုင်ရာကိစ္စရပ်တွေတင်မကဘဲ (PayPal) ကိုပါ ၀င်ရောက်သုံးစွဲနိုင် ပါလိမ့်မယ်။

၅.၇လက်မမျက်နှာပြင်မှာပုံရိပ်ဖော်ပြနိုင်စွမ်းက 2560x 1440 ဖြစ်တာကြောင့် ရုပ်ထွက်ပိုင်းမှာ လှပမှု၊ တောက်ပမှုနဲ့စိုပြည်ရွှန်းလက်တဲ့ အရောင်တွေကိုအပြည့်အ၀ခံစားရမှာပါ။ Display ဖော်ပြမှုတွေ ထဲမှာ အကောင်းဆုံးလို့ သတ်မှတ်ထားပြီးနောက်ထပ်နည်းပညာအဆင့်တစ်ခုကို ထပ်မံတက်လှမ်း လာခဲ့ပြီလို့ သုံးသပ်သူတွေကပြောကြပါတယ်။

သုံးစွဲသူတွေအတွက် မနှစ်မျို့စရာအချက်လို့သတ်မှတ်နိုင်တာကတော့ ဘက်ထရီကဖြုတ်တပ်ပြုလုပ်လို့ မရနိုင်တာဘဲဖြစ်ပါတယ်။ ဒါတွေကို စိုးရိမ် စရာမရှိစေဖို့အတွက် Samsung မှာပြုလုပ်ပေးထားတဲ့အချက်တွေ ရှိနေ ပါတယ်။ 3000mAh ဘက်ထရီဟာLTE ကွန်ရက်ပေါ်မှာvideo တွေကို အသံအမြင့်ဆုံးထိဖွင့်ပြီးဆက်တိုက်ကြည့်မယ်ဆိုရင် ၈နာရီခွဲကြာ ခံနိုင်စွမ်း ရှိမှာဖြစ်ပါတယ်။

ဒါဟာ Galaxy Note4 ထက်ပိုမိုတဲ့စွမ်းအားလို့ သတ်မှတ်နိုင် ပြီးiPhone 6ထက်ဆိုရင်တော့ ဘက်ထရီသက်တမ်းနှစ်ဆနီးပါးပိုမို တာရှည်ခံ နိုင်စွမ်းရှိမှာဖြစ်ပါတယ်။မြန်ဆန်တဲ့ စမတ်ဖုန်းတစ်လုံးဖြစ်ဖို့ အတွက် Note 5 ရဲ့ ပရိုဆက်ဆာဟာအကောင်းဆုံးအခြေအနေမှာရှိနေဖို့လိုအပ်ပါတယ်။ ဒါကြောင့် Galaxy S6မှာသုံးထားတဲ့ 2.1GHz အမြန်နှုန်းရှိတဲ့ Octa-Core Exynos 7420 CPU ကိုသာသုံးထားပါတယ်။ Exynos 7420 ရဲ့ ပေါင်းစပ် မှုဟာ1.5GHz Quad Core processor နဲ့ 2.1GHz Quad Core processor နှစ်မျိုးပေါင်းပဲဖြစ်ပါတယ်။ ပြီးတော့ သူ့ရဲ့ RAMဟာ4GB LPDDR 4 ကို အသုံးပြုထားတာကြောင့်ဖြစ်ပါတယ်။

OS ပါဝင်မှုအပိုင်းမှာတော့ Note 5 မှာandroid 5.1.1 ကိုတစ်ပါတည်းထည့်သွင်းပေးထားမှာဖြစ် ပါတယ်။ နောက်ဆုံး update ဖြစ်တဲ့ Marshmallow ထွက်လာတဲ့အချိန်ကြရင်လည်းရရှိ နိုင်ပါလိမ့်မယ်။ App, game တွေ ဆော့ကစားရတဲ့အချိန်မှာလည်း သွက်လက် တဲ့လုပ်ဆောင်နိုင်မှုကိုပေးပါလိမ့်မယ်။ App တွေသုံးစွဲမှုအပိုင်းမှာတော့ Microsoft app တွေကိုပါ သုံးနိုင်စေဖို့အတွက် သီးသန့်ခွဲပေးထားသေးတယ်။

Samsung ရဲ့ Note 5 မှာတပ်ဆင်ပေးထားတဲ့ ကင်မရာနှစ်မျိုးလုံးဟာပုံရိပ် ဖမ်းယူမှုတွေကိုအကောင်းဆုံး စွမ်းဆောင်ပေးမှာဖြစ်ပါတယ်။ 16 MP နောက်ကျောဘက်ကင်မရာဟာပုံရိပ်အသေတွေရိုက်ကူးမှုမကဘဲနဲ့ လှုပ်ရှား နေတဲ့ပုံရိပ်တွေ ရိုက်ကူးမယ်ဆိုရင်တောင် တူညီတဲ့ resolution နဲ့ ပေးစွမ်း မှာဖြစ်ပါတယ်။ အရှေ့ဘက်ကင်မရာကတော့ ယခင်ဖုန်းတွေ တုန်းကသုံးခဲ့တဲ့ 3.7MP ကနေ5MP အထိကိုတိုးမြှင့်သွားပါတယ်။

အရှေ့ဘက်ကင်မရာငယ် ဟာHD Video တွေကိုဖမ်းယူနိုင်ရုံတင်မကဘဲDual Video Call လုပ်ဆောင်မှု ကိုလည်းရရှိနိုင်မှာဖြစ်ပါတယ်။ Note 5 မှာAperture နှုန်းကိုလည်းပြောင်းလဲ လိုက်ပြီး၊ F/2.2 ကနေF/1.9 ကိုသာသုံးစွဲလိုက်ပါတယ်။ ဒီလိုပြုလုပ်လိုက် တာကြောင့် ပုံရိပ်တွေဖမ်းယူမှုအပိုင်းမှာNote4 ထက်စာရင် သုံးပုံနှစ်ပုံ နီးပါး ပိုကောင်းသွားပါတယ်။ ပုံရိပ်တွေဖမ်းယူတဲ့အချိန်ဟာလည်း ၀.၇ စက္ကန့် လောက်ပဲ ကြာမြင့်ပါတော့တယ်။ ဗီဒီယိုတွေကို ရိုက်ကူးမယ်ဆိုရင် 4K အရည် အသွေးထိရရှိနိုင်မှာဖြစ်ပါတယ်။

မိုဘိုင်းဈေးကွက်ထဲမှ အကောင်းဆုံးလို့ သတ်မှတ်ထားနိုင်တဲ့ S6 ရဲ့ကင်မရာလုပ်ဆောင်ချက်ကို ခံစားရမှာဖြစ်ပါတယ်။ အလင်းရောင်မလုံလောက်တာတွေကိုပါ ရှင်းလင်းပေးသွားမှာဖြစ်ပြီးfocus ပိုင်းမှာလည်းမြန်ဆန်လာပြီးHDR ဖမ်းယူမှု တွေကိုလည်းသွက်လက်စွာ ရိုက်ကူးနိုင်စေမှာပါ။ Note4 ကို ကြိုက်တယ်ဆိုရင်တော့ Note 5 မှာလည်း Qualcomm Quick Charge နည်းပညာကိုသာ သုံးစွဲထားပါလိမ့်မယ်။ Note 5 မှာဖုန်းရဲ့ လုံခြုံမှုနဲ့ပတ်သက်လို့ လုံးဝစိတ်ချယုံကြည်သွားလို့ ရနိုင်ပါပြီ။

Screen ရဲ့ပုံမှန်သတ်မှတ်လို့ရတဲ့ လုပ်ဆောင်ချက်တွေတင်မကဘဲfingerprint ကလည်းပိုပြီး အဆင့်မြင့်လာပါတယ်။ လူရဲ့ လက်ဗွေရာကိုမှတ်သားတဲ့စနစ် တွင် password အနေနဲ့ သတ်မှတ်မယ့် လက်ချောင်းထိပ်လေးတွေရဲ့ တစ်ပြင် လုံးရရှိအောင်၊ ၁၀၀% ရာခိုင်နှုန်း ပြည့်မှီမှသာ ပြည့်စုံစေ မှာဖြစ်ပါတယ်။ လက်ဗွေရာသတ်မှတ်ပြီးတဲ့ အချိန်မှာတော့ Aကနေ Zအထိထဲကမှ ၆ လုံးနဲ့ ဂဏန်း ၁ လုံးထည့်သွင်းပေးရမှာဖြစ်ပါတယ်။ Fingerprint verification အတွက် Web Sign-in, Verify Samsung Accတို့ကိုလည်းOn ထားခဲ့ရမှာ ဖြစ်ပါတယ်။

တကယ်လို့ fingerprint နဲ့ ၀င်လို့မရရင်လည်းBackup password ကိုထည့်သွင်းပြီးတော့ ၀င်ရောက် သုံးစွဲလုိ့ရနိုင်ပါတယ်။ ဖုန်းပိုင်ဆိုင်သူ သတ်မှတ်ထားတဲ့ လက်ချောင်းထိပ်လေးhome button ပေါ်မှာ တင်လိုက်တာ နဲ့ lock လုပ်ဆောင်ချက်ဟာ မြန်ဆန်စွာပြုလုပ်ပေးမှာဖြစ်ပါတယ်။ တကယ်လို့ fingerprint ကိုအသုံးမပြုလိုတော့ဘူးဆိုရင် screen lock type မှာမိမိပေးထား တဲ့လက်ဗွေရာ (သို့) backup password နဲ့ဝင်ရောက်ပြီးlock ကို ပြန်ဖြုတ်လို့ ရနိုင်ပါတယ်။ နောက်ထပ်လုပ်ဆောင်ချက်ကောင်း တစ်ခုကတော့ fingerprint ကိုထပ်မံပေါင်းထည့်နိုင်မှာပဲဖြစ်ပါတယ်။ Add ဆိုတဲ့နေရာလေး ကို အောက်ဘက်မှာပြသထားတာကိုတွေ့ရမှာဖြစ်ပါတယ်။

Samsungအနေနဲ့ ဘာသာစကားဖော်ပြမှုအပိုင်းမှာအွန်လိုင်းမှာစာတွေ ဖတ်ချင်လို့ဖြစ်စေ၊ SMS မက်ဆေ့တွေပေးပို့လို၍ ဖြစ်စေ လုံးဝအဆင်ပြေသွား မှာပါ။ ယူနီကုတ်၊ ဇော်ဂျီနှစ်မျိုးလုံးကို သုံးစွဲနိုင်မှာဖြစ်ပါတယ်။ အခြားစမတ်ဖုန်း သုံးစွဲသူတွေ ကြုံတွေ့ရလေ့ရှိတဲ့ Unicode နဲ့ရိုက်တဲ့စာတွေကိုဖတ်မရတဲ့ ဒုက္ခ တွေကိုကင်းရှင်းသွားစေတော့မှာ ဖြစ်ပါတယ်။ Font တွေကိုမှန်ကန်စွာ သုံးနိုင်ဖို့အတွက်တော့ setting ထဲမှာသွားရောက် သတ်မှတ်ပေးရမှာဖြစ်ပါတယ်။

လုပ်ဆောင်ရမယ့် နည်းလမ်းကတော့ Language and input ထဲကို ၀င်ရောက်လိုက်ပါ။ Language ဆိုတဲ့ နေရာမှာ မြန်မာ(Unicode)။ မြန်မာ (Zawgyi) ကြိုက်တာရွေးချယ်ပေးလိုက်ပါ။ ဒီနေရာမှာပြောင်းလဲလိုက်တဲ့ အတွက်ကြောင့် ဖုန်းရဲ့ Setting, icon တွေမှာဖော်ပြမယ့် ဘာသာစကား လည်းပြောင်းလဲသွားပါလိမ့်မယ်။ မက်ဆေ့ပို့တာ၊ စာသားနုတ်များ မှတ်သား လိုသူတွေအတွက်တော့ ကီးဘုတ်ဘာသာစကားမှာသွားရောက် ပြင်ဆင် ထားရမှာဖြစ်ပါတယ်။

ဒါမှသာစာရိုက်တဲ့အခါမှာမိမိလိုအပ်တဲ့ language နဲ့ ရိုက်လို့ရစေမှာပါ။ Samsung Keyboard ဆိုတဲ့ နေရာမှာရှိတဲ့ select input Language ဆိုတဲ့နေရာမှာLanguage (၄) မျိုးထိထည့်သွင်းသတ်မှတ် ထားနိုင် မှာဖြစ်ပြီး၊ မြန်မာ(Unicode)။မြန်မာ (Zawgyi) တို့ကိုရွေးချယ်သတ်မှတ် ခဲ့မယ် ဆိုရင် keyboard သုံးတဲ့အချိန်မှာအသာလေးပွတ်ဆွဲလိုက်ရုံနဲ့ ပြောင်းလဲ ပေးမှာ ဖြစ်ပါတယ်။

Note 4 မှာတော့ SDcardထပ်မံထည့်သွင်းနိုင်ပြီး200GB အထိသိမ်းဆည်းနိုင်စွမ်းကို ထပ်မံတိုးမြှင့်နိုင်ကာ Note 5 မှာတော့ SD card ထည့်စရာ နေရာ ထည့်သွင်းမပေးထားပါဘူး။ 32GB နဲ့ 64GB နှစ်ခု ထဲက ရွေးချယ် ၀ယ်ယူရ မှာဖြစ်ပါတယ်။ အွန်လိုင်းသိမ်းဆည်းမှုအတွက်တော့ OneDriveကို သုံးစွဲနိုင် ပါလိမ့်မယ်။

စပီကာဟာဖုန်းရဲ့အောက်ခြေဘက်မှာရောက်ရှိသွားပြီး တစ်ခု သာပါဝင်မှာပါ။ သူ့ရဲ့ဘေးမှာတော့ USB 2.0 port ကိုတွေ့ရပါလိမ့်မယ်။S Pen ရဲ့ လုပ်ဆောင်ချက်ကတော့ အတော်ကြီးကိုအဆင့်မြင့်လာတဲ့အပြင် ကိုင်တွယ်ရတာလည်းသက်သောင့်သက်သာရှိလာပါတယ်။ အခြား ကွန်ရက် ချိတ်ဆက်မှုအပိုင်းတွေအနေ နဲ့တော့ Bluetooth, Wifiတို့ကိုသုံးစွဲပြီး အခြားဖုန်း တွေနဲ့ အချက်အလက်တွေ လွှဲပြောင်းနိုင်ပါလိမ့်မယ်။

Mobile Guide Journal (Every Monday)
https://www.facebook.com/officialmobileguidejournal




<<< အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။ >>>
 




www.pyaephyo.com

No comments :

Post a Comment

Related Posts Plugin for WordPress, Blogger...