မင်္ဂလာပါခင်ဗျာ :::: ကျွန်တော်တင်သမျှ Post လေးများသည် ကျွန်တော်လေ့လာဖူးသမျှကို ပြန်လည်မျှဝေပေးခြင်းဖြစ်ပါတယ်။ သူငယ်ချင်းအားလုံးလည်း ကျွန်တော့် site မှကြိုက်နှစ်သက်တဲ့ မည့်သည့် Post ကိုမဆို မြန်မာ IT နည်းပညာဖွံ့ဖြိုးတိုးတက်ရေးအတွက် ပြန်လည်မျှဝေပေးစေလိုပါတယ်ဗျာ။ ::::

Yllix

Sunday, September 11

Xiaomi ပရိတ်သတ်တွေ စောင့်မျှော်နေတဲ့ Redmi Note 4 စမတ်ဖုန်း ထွက်ရှိ

Xiaomi ပရိတ်သတ်တွေ၊ အထူးသဖြင့် တန်ဖိုးနည်း Redmi ဖုန်းတွေကို နှစ်ခြိုက်သူတွေ စောင့်မျှော်နေတဲ့ Redmi Note 4 ဖုန်းဟာ မနေ့က တရားဝင်ထွက်ရှိလာပြီဖြစ်ပါတယ်။
တရုတ်နိုင်ငံမှာ စတင်မိတ်ဆက်ခဲ့တာဖြစ်ပြီး၊ RAM 2GB နဲ့ RAM 3GB ဆိုပြီး နှစ်မျိုးနှစ်စား ထွက်ရှိမှာဖြစ်ပါတယ်။
RAM 2GB နဲ့ ဖုန်းတွင်း storage 16GB မော်ဒယ်က တရုတ်ယွမ်ငွေ ၈၉၉ ( မြန်မာငွေ ၁ သိန်း ၆ သောင်းဝန်းကျင်) ရှိကာ၊ RAM 3GB နဲ့ 64GB storage မော်ဒယ်ကတော့ ယွမ်ငွေ ၁၁၉၉ ( မြန်မာငွေ ၂ သိန်း ၂ သောင်းဝန်းကျင်) ရှိပါတယ်။ တရုတ်နိုင်ငံမှာ သြဂတ်စ်လ ၂၆ ရက်နေ့ကနေ စတင်ရောင်းချသွားမှာဖြစ်ကာ၊ ကုမ္ပဏီရဲ့ အွန်လိုင်းစတိုး Mi.com ကနေလည်း ဝယ်ယူရရှိနိုင်မှာပါ။
Redmi စီးရီးရဲ့ နောက်ဆုံးစမတ်ဖုန်းဖြစ်တဲ့ Redmi Note 4 ဖုန်းရဲ့ အထူးခြားဆုံးအချက်ကတော့ 4100mAh ဘက်ထရီပဲဖြစ်ပါတယ်။ မျက်နှာပြင်အကျယ်ကတော့ ၅.၅ လက်မဖြစ်ပြီး၊ full-HD (1080×1920 pixel) resolution နဲ့ ဖြစ်ပါတယ်။ မျက်နှာပြင်ဘေးအစွန်းဘက်မှာ အနည်းငယ်လေးကွေးသွားတဲ့ 2.5D curved glass ကို အသုံးပြုထားပြီး၊ ဒီဇိုင်းပိုင်းက Redmi Note 3 ထက် ပိုမိုဆွဲဆောင်မှုရှိလာတာကို တွေ့ရပါတယ်။
https _blueprint-api-production.s3.amazonaws.com_uploads_card_image_189929_Redmi_Note_4_01
Snapdragon ချစ်ပ်အစား deca-core MediaTek Helio X20 ပရိုဆက်ဆာကို အသုံးပြုထားပြီး၊ GPU ပိုင်းအတွက်ကတော့ Mali-T880 MP4 GPU နဲ့ ဖြစ်ပါတယ်။
RAM 2GB အလုံးကော 3GB အလုံးကော microSD ကတ် 128GB အထိ စိုက်နိုင်ပါတယ်။ နှစ်မျိုးစပ် SIM tray နဲ့ ဖြစ်တာကြောင့်၊ SIM နှစ်ကတ်စိုက်ချင်ရင်တော့ microSD ကတ် ခဏဖြုတ်ထားရမှာပါ။
Redmi Note 4 ရဲ့ နောက်ထူးခြားချက်တစ်ခုကတော့ Android 6.0 Marshmallow အခြေခံ MIUI 8 နဲ့ တန်းလာမှာဖြစ်တာကြောင့်၊ Android M သုံးချင်သူ Redmi ပရိတ်သတ်တွေအကြိုက်ပါပဲ။
ထုံးစံအတိုင်း သတ္တုကိုယ်ထည်နဲ့ဖြစ်ကာ၊ ကျောဘက်မှာ လက်ဗွေရာဆန်ဆာပါဝင်ပြီး၊ LED ဖလက်ရ်ှမီးနှစ်လုံးတွဲပါ 13MP ကျောကင်မရာ နဲ့ 5MP ရှေ့ကင်မရာတို့ ပါဝင်ပါတယ်။ ရှေ့ကင်မရာက Xiaomi ရဲ့ အဆိုအရ ၈၅ ဒီဂရီအထိ မြင်ကွင်းကျယ်ကျယ်ရိုက်ကူးနိုင်တယ်လို့ သိရပါတယ်။
Mi ဖုန်းတွေမှာ ပါနေကျဖြစ်တဲ့ အိမ်တွင်းအီလက်ထရောနစ်ပစ္စည်းတွေကို ထိန်းချုပ်နိုင်တဲ့ အနီအောက်ရောင်ခြည်ဆန်ဆာ၊ microUSB ၊ 4G VoLTE တို့ ပါရှိပြီး၊ ရွှေရောင်၊ ခဲရောင်နဲ့ ငွေရောင်ဆိုပြီး ကာလာသုံးမျိုး ရွေးချယ်နိုင်မှာဖြစ်ပါတယ်။
gsmarena_004
http://digitaltimes.com.mm/
Ref: Gadgets 360






<<< အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။ >>>
 




www.pyaephyo.com

No comments :

Post a Comment

Related Posts Plugin for WordPress, Blogger...