မင်္ဂလာပါခင်ဗျာ :::: ကျွန်တော်တင်သမျှ Post လေးများသည် ကျွန်တော်လေ့လာဖူးသမျှကို ပြန်လည်မျှဝေပေးခြင်းဖြစ်ပါတယ်။ သူငယ်ချင်းအားလုံးလည်း ကျွန်တော့် site မှကြိုက်နှစ်သက်တဲ့ မည့်သည့် Post ကိုမဆို မြန်မာ IT နည်းပညာဖွံ့ဖြိုးတိုးတက်ရေးအတွက် ပြန်လည်မျှဝေပေးစေလိုပါတယ်ဗျာ။ ::::

Yllix

Sunday, November 13

♪ “Car hacking ခေတ်ရောက်နိုင်သလား” ♫


စက်လည်ပတ်မှုစနစ် (Operating System) အပေါ်မှီခိုရသည့် ပစ္စည်းမှန် သမျှသည် ကွန်ပျူတာ ပရိုဂရမ်ရေးသားခြင်း အတတ်ကျွမ်းကျင်သော ဟက်ကာတို့၏ ဖောက်ထွင်းဝင်ရောက်ခြင်းကို ခံရနိုင်ခြေရှိပါသည်။ ဖုန်းနှင့် တက်ဘလက်တို့သည် လည်း စက်လည်ပတ်မှုစနစ်အပေါ် မှီခိုရသည်ဖြစ်ရာ ကွန်ရက်ချိတ်သည်နှင့် ဟက်ကာတို့၏ ဖောက်ထွင်းခံရမည့် အလားအလာ များပါသည်။ Android ဆိုလျှင် မိုဘိုင်းလောက၌ အများ သုံးဘ၀သို့ ရောက်လာပြီဖြစ်ရာ ဟက်ကာများစ၍ ဖောက်ထွင်းနေကြပါပြီ။ ယခုအချိန်တွင် မော်တော်ကားတို့သည်လည်း ကွန်ပျူတာစနစ်သုံး ထိန်းချုပ်မှုများ ပြုလုပ်လာ သည်ဖြစ်ရာ Car hacking အလုပ်ခံရမည့်ခေတ်ကို မျှော်လင့်ထားရပါမည်။

Car hacking သည် ကြောက်စရာကောင်းပါသလား။ မကြောက်ဘဲ နေလျှင် နေ၍ရပါသည်။ ဒစ်ဂျစ်တယ်ခေတ်ထဲ မ၀င်မီက ကားတစ်စီးခိုးဖို့ အရေးမှာ ထင်သလောက်မလွယ်ပါ။ ကားထဲမှ ယာဉ်မောင်းကို အပြင်သို့ တွန်းချဖို့ လိုသည်။ ကား သော့ကို အတွင်းမှကြိုးပူးပြီး နှိုးတတ်ဖို့လိုသည်။ သို့သော် ကွန်ပျူတာစနစ်သုံးသော မော်တော်ကားတို့တွင် ဟက်ကာတို့သည် ချွေးတစ်စက် ထွက်စရာမလိုဘဲ မော်တော်ကားနှိုးသည့် မော်တာကို လက်လှမ်းမီသည့် အခြေအနေသို့ ရောက်လာပါသည်။ မော်တော်ကား စက်နှိုး မှုကို ထိန်းချုပ်သည့် Microprocessor အား လှမ်း၍ ထိန်းချုပ်ရန်အတွက် အီလက်ထရွန်နစ် လက်သုံးကိရိယာများကို အသုံးပြုကြပါသည်။

ကားဘီးရွေ့လျားဖို့ ကွန်ပျူတာစနစ်ကို အားကိုးနေရသမျှ ကာလပတ်လုံး ယင်းအခွင့် အလမ်းကို ဟက်ကာများ ရယူအသုံးပြုနိုင်ပါသည်။ကား ဟက်ကာများက မော်တော်ကားတစ်စီးကို ဖောက်ထွင်းချုပ်ကိုင်ရန် မည်သို့ ချဉ်းကပ်ကြပါသနည်း။ ဟက်ကာတို့ သည် ကွန်ပျူတာတစ်လုံးကို ဖောက်ထွင်း ရန် ချဉ်းကပ်သကဲ့သို့ပင် မော်တော်ကား၏ ကွန်ပျူတာစနစ်ကို ဖောက်ထွင်း ရန် ကြိုးပမ်းကြပါသည်။ ကွန်ရက်အတွင်းချိတ်ဆက်မှုအတွက် တာဝန်ယူ ဆောင်ရွက်ပေးနေသော Chip တို့၏ အားနည်းသော နေရာမှသည် ဖောက်ထွင်း၍ ရနိုင်ခြေရှိသော OBD II Port (onboard diaganostic System ၀င်ရောက်ချိတ်ဆက်သော အပေါက်) အထိ သူတို့ဝင်၍ ရနိုင်မည့်နေရာကို ရှာကြပါသည်။ ယခုနောက်ပိုင်းထွက် မော်တော်ယာဉ်များတွင် အင်တာနက် ချိတ်ဆက်နိုင် သော onboard system ပါလာသည်ဖြစ်ရာ ယင်းက ဟက်ကာ တို့အား ယာဉ်၏ထိန်းချုပ်မှု ဗဟိုဌာနဆီသို့ ၀င်ရောက်နိုင်ရန် ပိုမို အားကောင်း စွာ အခွင့်အလမ်းပေးသလို ဖြစ်လာပါသည်။

ထိုသို့ဖောက်ထွင်းရင်းမှ မည်သို့သောလမ်းကြောင်းကို ရရှိနိုင်ပါသနည်း။ ခေတ်ပေါ်ကားအများစုတွင် ECU (Electronic Control Unit) များပါဝင်ပြီး ယင်းက မော်တော်ကား၏ လုပ်ငန်းအများစုကို လမ်းညွှန် ထိန်းကျောင်း ပါသည်။ ထိုကဲ့သို့ ထိန်း ကျောင်းသည့် လုပ်ငန်းစဉ်ထဲတွင် စတီယာရင် ဘီးလှည့်ခြင်း၊ ဘရိတ်အုပ်ခြင်း၊ မော်တော်ကား အရှိန်မြှင့်ခြင်း၊ ဟွန်းတီးခြင်း၊ ကားမီးထွန်းခြင်းနှင့် ရေသုတ်တံဖွင့်ခြင်း စသည့်လုပ်ငန်းဆောင်တာများ ပါဝင်ပါသည်။ မော်တော်ကားတွင်းရှိ ကြိုးမဲ့ကွန်ရက် စနစ်သည် ECU အား မော်တော်ကား၏ Virtual feature များနှင့် ချိတ်ဆက်နိုင်ရန် ခွင့်ပြုပါသည်။ ယင်း feature များထဲတွင် ကားတာယာရှိ လေပေါင်ကို စောင့်ကြည်ြ့ခင်း၊ မော်တော်ကားတံခါးသော့ခတ်ခြင်းနှင့် သော့ဖွင့်ခြင်း စသည်တို့ပါသည်။ ထို့ပြင် မိုဘိုင်းဖုန်းတစ်လုံးကဲ့သို့ပင် ကားအတွင်းဖုန်းခေါ်/လက်ခံမှုများကို ခွင့်ပြုခြင်း၊ ဖျော်ဖြေမှုစနစ်များအား အကူအညီပေးခြင်းနှင့် လမ်းကြောင်း ရှာခြင်း လုပ်ငန်းစဉ်များကိုလည်း ကူညီဆောင်ရွက်ပေးပါသည်။ ထို့ကြောင့် မော်တော်ကား၏ ကွန်ပျူတာစနစ် သည် အတားအဆီးမရှိသော လမ်းတစ်ခု ကဲ့သို့ ၀င်ထွက်သွားလာနိုင်သော လမ်းကြောင်းများစွာရှိနေပါသည်။

မော်တော်ကား၏ ကွန်ပျူတာထိန်းချုပ်မှုစနစ်လမ်းကြောင်းထဲသို့ အဘယ်ကြောင့် ဟက်ကာများ ဖောက်ထွင်းဝင်ရောက် လိုပါသနည်း။ ဟက်ကာ၏ အလိုဆန္ဒကို စေ့ဆော်နေသောအကြောင်းများကြောင့်ဟု ဆိုရ ပါမည်။ အချို့ဟက်ကာများက Car hacking ပြုလုပ်လိုခြင်းမှာ သက်ဆိုင်ရာ ကားအမျိုးအစားတစ်ခုအတွက် hacking စွမ်းရည်တိုးတက်လိုသောကြောင့်ဖြစ် သည်။ စိန်ခေါ်မှုတစ်ခုကို ကျော်လွှားကာ လက်စွမ်းပြလိုခြင်းကြောင့်ဖြစ်ပါ သည်။ အချို့သော ဟက်ကာများက Car hacking ပြုလုပ် ခြင်းမှာ ငွေကြေး ဆိုင်ရာ အကြောင်းများကြောင့်ဖြစ်ပါသည်။ မော်တော်ကား၏ ကွန်ပျူတာ သော့စနစ်ကို ချိုးဖောက်ဝင်နိုင်ခဲ့လျှင် ကားအတွင်းခန်းထဲမှ ပစ္စည်းပစ္စယ များကို ကဲ့ဝှက်ခိုးယူနိုင်ကြပါလိမ့်မည်။ အကယ်၍ ကားစက်နှိုးခြင်းအလုပ်ကိုပါ အောင်မြင် အောင် လုပ်နိုင်မည်ဟုဆိုလျှင် မော်တော်ကားကိုပါ အခြားသို့ မောင်းနှင်ခိုးယူသွားနိုင်ပါလိမ့်မည်။ အဆိုးဆုံးအနေအထားတွင် ဟက်ကာ သည် မောင်းနှင်နေသောကားအား အဝေးမှ လုံးဝဥဿုံ ထိန်းချုပ်နိုင်ပြီး မော်တော်ကားတွင်းပါသူအားလုံး သေကြေ အနာတရဖြစ်အောင် ပြုလုပ် နိုင်စွမ်း ရှိပါမည်။

လက်တွေ့လောကထဲတွင် Car hacking လုပ်ငန်းအမှန်တကယ် ရှိနေပြီ လားဟုစူးစမ်းသည့်အခါ လက်တွေ့ဖောက်ထွင်းခြင်းထက် စမ်းသပ် ဖောက်ထွင်းခြင်းကို အောင်မြင်စွာလုပ်ဆောင်နိုင်ပြီဖြစ်ကြောင်း တွေ့ရပါသည်။ ၂၀၁၅ ခုနှစ်ထဲတွင် သုတေသီနှစ်ဦးသည် သူတို့၏ Laptop ထဲတွင် install လုပ်ထားသည့် Software ကိုသုံး၍ မော်တော်ကား၏ စတီယာရင်ဘီး လှည်ြ့ခင်း၊ ဘရိတ်အုပ်ခြင်းတို့ကို ၂၀၁၄ ခုနှစ်ထုတ် Cherokee ဂျစ်ကားတွင် အောင်မြင်စွာ ပြုလုပ်နိုင်ခဲ့ပါသည်။ ထိုသုတေသီ နှစ်ဦးသည် မော်တော်ကား၏ ကွန်ပျူတာထိန်းချုပ်မှုစနစ်ထဲသို့ ကြိုးမဲ့ဖျော်ဖြေရေးစနစ်ထဲမှတစ်ဆင့် ၀င်ရောက်ခဲ့ခြင်းဖြစ်ပါသည်။ အဆိုပါ မော်တော်ကားကို မောင်းနှင် နေသရွေ့ အချိန်အတွင်း ကားထဲမှ အဲကွန်းနှင့် ရေဒီယိုဖွင့်ခြင်း ရေသုတ်တံဖွင့်ခြင်းတို့ကို လည်း လုပ်ပြခဲ့ပါသည်။ ယင်းတွေ့ရှိချက်အား အဆိုပါ ဂျစ်ကားထုတ်လုပ်သည့် Fiat Chrysler ကုမ္ပဏီအား တင်ပြသည့်အခါ ကုမ္ပဏီက စိုးရိမ်ပူပန်ပြီး ဂျစ်ကားစင်းရေ (၁.၄) သန်းအား ဈေးကွက်တွင်းမှ ပြန်လည်ရုပ်သိမ်း ခဲ့ပါ သည်။ နောက်ပိုင်းထုတ်ဂျစ် ကားများတွင် မော်တော်ကားထိန်းချုပ်ရေး စနစ် အား update လုပ်ပေးခဲ့ပါသည်။

မော်တော်ကားထုတ်လုပ်သော ကုမ္ပဏီများသည် ယင်းဖြစ်ရပ်ပေါ်ပေါက်ခဲ့ပြီး သည့်နောက်တွင် Car hacking ကိစ္စကို အထူးပင် အလေးထားလာခဲ့ပါသည်။ မော်တော်ကား၏ ကွန်ပျူတာထိန်းချုပ်မှုစနစ်ထဲသို့ ဟက်ကာများဝင်ရောက် ခွင့် မရစေရန် သူတို့စွမ်းအားရှိသမျှ လုပ်ကိုင်နေပါသည်။ ထို့ပြင် ကွန်ပျူတာ စနစ်၏ လုံခြုံမှုသာမက ဖောက်ထွင်းဝင်ရောက်နိုင်ရန် အားပေးသည့် လမ်းကြောင်းများအကြောင်းကိုလည်း ဆတက်ထမ်းပိုးတိုး၍ လေ့လာနေ ပါသည်။ မော်တော်ကားထုတ်လုပ်သည့် ကုမ္ပဏီများ၏ ရည်ရွယ်ချက်မှာ ရှင်းပါသည်။ နည်းပညာအသစ်ဖြင့် ထုတ်လုပ်ထားသော မော်တော်ကားကို မောင်းသူတို့သည် ဟက်ကာ တို့၏ရန်ကို စိုးရိမ်ကြောင့်ကြမရှိဘဲ နည်းပညာ၏ အကျိုးကျေးဇူးကို ခံစားစေရမည်ဟူ၍ဖြစ်ပါသည်။ ခေတ်သစ်မော်တော်ကား တို့၏ လုံခြုံမှုကိစ္စနှင့်ပတ်သက်ပြီး General Motors ကားကုမ္ပဏီမှ ဦးဆောင်၍ ကားကုမ္ပဏီအချင်းချင်း ပူးပေါင်းဆောင်ရွက်ရန် ညှိနှိုင်းခဲ့ပါသည်။Car hacking ကိစ္စနှင့်စပ်လျဉ်း၍ ယာဉ်မောင်းသူများဖက်မှ မည်သို့ ဆောင်ရွက် နိုင်ပါသနည်း။ ၂၀၁၆ ခုနှစ် မတ်လ အတွင်း၌ FBI သည် အမေရိကန် ပြည်ထောင်စုရှိ နည်းပညာသစ်ကားမောင်းသူတို့အား အဝေးမှ ဖောက်ထွင်းမှု များအကြောင်း သတိပေးနှိုးဆော်ခဲ့ပါသည်။ အမေရိကန် ပြည်ထောင်စုတွင် ယင်းကဲ့သို့ မှုခင်းများတိုးတက်နေပြီး နည်းပညာသစ် မော်တော်ကားများ ကမ္ဘာအနှံ့ ထုတ်လုပ်လာပါက အခြားကမ္ဘာ့နိုင်ငံများတွင်လည်း Car hacking တိုးတက်များပြားပါမည်။ အဆိုပါ ယာဉ်မောင်းတို့အနေဖြင့် Car hacking ကို ကာကွယ်နိုင်ရန် မော်တော်ယာဉ်ထိန်းချုပ်မှု Software ကိုအချိန်နှင့် တစ်ပြေးညီ update လုပ်နေရန် လိုပါသည်။

မော်တော်ယာဉ်၏ ကွန်ပျူတာထိန်းချုပ်မှုစနစ်အတွင်း Third party device များထည့်သွင်းအသုံးပြုပါက သတိထားရန် လိုပါမည်။ ခွင့်ပြုချက်မရဘဲ Software notification မလုပ်ရန် ယာဉ်မောင်းများ သတိထားရပါမည်။ ထို့ပြင် မိမိ လုံးဝဥဿုံ စိတ်ချရသူ၏ လက်ဝယ်သို့သာ ကားသော့ထည့်ရန် လိုအပ်ပါ သည်။ နာမည်သတင်းကောင်းသော ကားရောင်းသူများ၊ ကားဝပ်ရှော့များနှင့် သာ ဆက်ဆံရန် လိုပါသည်။ ထိုအချက်များကို အပြည့်အ၀ လိုက်နာနိုင်မည် ဆိုလျှင် မိမိ၏ ကားတံခါး ကို ဟက်ကာများဖွင့်သည့်ဘေးမှ ကင်းဝေးပါ လိမ့်မည်။

ဧဧသက်(ဖြိုးဓနဒစ်ဂျစ်တယ်ဓာတ်ပုံ)

Mobile Guide Journal (Every Monday)
https://www.facebook.com/officialmobileguidejournal






<<< အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။ >>>
 






www.pyaephyo.com

No comments :

Post a Comment

Related Posts Plugin for WordPress, Blogger...