1/08/2017

♪ “သုံးသင့်သည့် eM Client” ♫

No automatic alt text available.

Chatting app နှင့် Facebook တို့ မိုဘိုင်းဖုန်းပေါ်တွင် အလွန်ခေတ်စားလာ သည်။ အီးမေးများပျောက်သွားမည်လားဟု စိုးရိမ်စရာရှိသည်။ လောလော ဆယ်၌မူ ပျောက်စရာအကြောင်း မမြင်သေး။ attachment ဖိုင်များတွဲပြီး ပို့လွှတ်ရာတွင် အားသာချက်ရှိနေသေးသောကြောင့်ဖြစ်သည်။ မိုဘိုင်းဖုန်း များခေတ်မစားမီ အချိန်ကတည်းက အီးမေးသုံးခဲ့သူများအဖို့မှာ account တစ်ခုမက ထားခဲ့သူတွေများပါသည်။ အီးမေးကို လုံးလုံးလျားလျား မစွန့်နိုင် သေးဟုဆိုလျှင် တစ်ကြိမ်တွင် account တစ်ခုသို့သာ ၀င်ခွင့်ပြုသောစနစ်က အဆင်မပြေ။ ထိုကိစ္စအတွက် သုံးသင့်သည့် app တစ်ခုမှာ eM Client ဖြစ်ပါ သည်။

eM Client ကို www.emclient.com မှနေ၍ download ချပြီး သုံးနိုင်သည်။ တစ်နေရာတည်းမှနေ၍ အီးမေး account အများအပြား ကိုဖွင့်ကြည့်ပြီး တစ်ပြိုင်တည်းသုံးနိုင်ခြင်းမှာ ဤ app ၏ အားသာချက်ဟု ဆိုနိုင်သည်။ ဤ app ကို သုံးရန် အတွက် ပထမဆုံးပြုလုပ်ရမည့် အလုပ်မှာ မိမိ၏ default account ပြုလုပ်မည့် အီးမေးအား setting ချိန်ရန်ဖြစ်သည်။ အကြောင်းမှာ eM Client ထဲမှ ပို့မည့်အီးမေးအားလုံး ကို ယင်း default account မှပို့မည် ဖြစ်သောကြောင့်ပင်။ထိုကဲ့သို့ setting ချိန်ရန်အတွက် ပထမဦးစွာ app ကို ဖွင့်ရပါမည်။ ပြီးလျှင် Menu ၌ ကလစ်နှိပ်ရပါမည်။ ပြီးလျှင် Tools > account အတိုင်းဝင်ရပါမည်။ ပြီးလျှင် မိမိအကြိုက်ဆုံး အီးမေး account ကို ရွေးရ ပါမည်။ ပြီးလျှင် screen အောက်ခြေ၌ မြင်နေရသော star icon နေရာတွင် ကလစ်နှိပ်ရပါမည်။ ပြီးလျှင် Ok ကို ရွေးချယ်ပေးရပါမည်။ အထက်တွင် ပြောခဲ့သည့်အတိုင်း နောက်ထပ် အီးမေး account များကို ယင်း menu ရှိ အပေါင်းလက္ခဏာ icon အားနှိပ်ပြီး ထပ်မံပေါင်းထည့် နိုင်ပါသည်။eM Client သုံးရခြင်း၏ ကောင်းကျိုးတစ်ရပ်မှာ အမှန်အကန်ပို့လိုက်သော အီးမေးများ Junk folder ထဲသို့ ရောက် မသွားခြင်းဖြစ်သည်။ ဤပြဿနာမှာ အီးမေးစနစ် အတော်များများတွင်ရှိသည်။ မိမိနှင့်ကောင်းစွာ သိကျွမ်းသူတစ်ဦးထံမှ ပို့လိုက်သော ၀င်စာသည် လမ်းကြောင်းပြောင်းပြီးနောက် Junk email folder ထဲသို့ ရောက်ရှိသွားခြင်းမျိုးဖြစ်သည်။

ထိုကဲ့သို့ လမ်းကြောင်းပြောင်းဝင်ရောက်ခြင်းသည် ပုံမှန်လိုလိုဖြစ်နေပါက မိမိထံ အီးမေးပို့သူသည် တစ်နည်းနည်းဖြင့် Black list ထဲသို့ ရောက်နေ သောကြောင့် ဖြစ်နိုင်ပါသည်။ဤသို့ဖြစ်နေခြင်း ရှိ/မရှိ စစ်ဆေးလိုလျှင် ဤ app ၏ Smart folder ခေါင်းစဉ်အောက်ရှိ Junk E-mail တွင် ကလစ်နှိပ် ရပါမည်။ Junk E-mail ကို ရှာမတွေ့လျှင် Smart folders ပေါ်၌ ညာကလစ် ထောက်ပါ။ ပြီးလျှင် ပေါ်လာသောအကွက်ထဲမှ Display ကိုရွေးပါ။ ယင်းနောက် ထပ်မံတွေ့ရမည့်အကွက်ထဲမှ Junk E-mail ကိုရွေးပါ။ မိမိထံ စာပို့ပြီး အမြဲတစေ Blacklist ထဲ ရောက်သွားသူ၏ အီးမေးလိပ်စာကို ဤနေရာ တွင်ရှာပါ။ တွေ့ပြီဆိုလျှင် ယင်းလိပ်စာနေရာ၌ ညာကလစ်ထောက်ပါ။ ပြီးလျှင် Move to Inbox နေရာ၌ ကလစ်နှိပ်ပါ။ ပြီးလျှင် Move to Inbox and remove black listed email ကို ထပ်ရွေးပါ။ အကယ်၍ ထိုသို့ရွေးပေးရန် သတိပေးချက်ပြလာခဲ့လျှင်လည်း ထပ်၍ရွေးပေးပါ။အီးမေးတစ်မျိုးသုံးသူ တွင် လုပ်ငန်းများ စီမံချက်ချ၍လုပ်ဆောင်ရန် Calender တစ်မျိုးရှိတတ်ကြပါသည်။ eM Client ကမူ အွန်လိုင်းတွင် အသုံးပြုနိုင်သည့် မည်သည့် Calender ကိုမဆို ထပ်မံပေါင်းထည့်ခွင့်ပြုပါသည်။ မိသားစုဝင်များ၊ သူငယ်ချင်းများသုံးသည့် Calender ကိုပင် ထပ်မံပေါင်းထည့်ပြီး အားလုံးသိသော Calender အချိန် ဇယားဖြင့်လည်း အလုပ်လုပ်နိုင်ပါသည်။

ထိုသို့ပြုလုပ်မည်ဆိုလျှင် ယင်း Calender ကို အသုံးပြုနိုင်စေသည်။ ICS Link တစ်ခုကို ရယူထားရန်လိုပါသည်။ ဥပမာ အားဖြင့် Google Calender ကို import လုပ်မည်ဟုဆိုလျှင် Google Calender တည်ရှိသည့်နေရာဖြစ်သော www.google.com/ calender သို့ သွားရပါမည်။ ပြီးလျှင် မိမိ၏ Google Calender ကိုသုံး၍ log in ၀င်ရပါမည်။ အတွင်းသို့ရောက်လျှင် စက်သွားပုံ icon နေရာ၌ ကလစ်နှိပ်ရပါမည်။ ပြီးလျှင် setting ၌ ကလစ်နှိပ်ပြီး အတွင်းသို့ ၀င်ရပါမည်။ နောက်တစ်ဆင့်တွင် Calenders ကို ရွေးချယ်ပြီး နောက် မိမိ import လုပ်လိုက်သော Calender အမျိုးအစားကို ထပ်မံရွေးချယ်ရပါမည်။ ယင်းနောက် Private address section သို့ဝင်ပြီး pop-in window ထဲမှ ICS Link ကို Copy ကူးရပါမည်။

ယင်းနောက်တွင် eM Client ဆီသို့ ပြန်သွားပါ။ Menu နေရာတွင် ကလစ် နှိပ်ပါ။ Tools > subscribe to Email Calender ဆီသို့ အဆင့်ဆင့်ဝင်ပါ။ မိမိ Copy ကူးယူထားသော Link ကို ယင်းနေရာတွင် Paste လုပ်ပေးလိုက်ပါ။ ပြီးလျှင် OS တွင် ကလစ်နှိပ်ပါ။ မိမိပေါင်းထည့် လိုက်သော Calender ကို Calender section ရှိ Internet Calenders တွင် ကလစ်နှိပ်ပြီး ၀င်ရောက် အသုံးပြု နိုင်ပါသည်။eM Client သည် တစ်ထပ်တည်းတူနေသော အီးမေးများ ဆက်သွယ်သူလိပ်စာများနှင့် Calendar entry များကို ဖယ်ထုတ်ပေးနိုင်ခြင်း မှာလည်း ထူးခြားချက်တစ်ရပ်ဖြစ်သည်။ email client တစ်ခုထဲသို့ account ပေါင်းများစွာ ပေါင်းထည့်သည့် အခါ လိပ်စာတူ၊ အီးမေးတူများစွာ ထပ်နေ ခြင်းကို တွေ့ကြုံကြရပါသည်။ ယင်းကိစ္စကို ဖြေရှင်းရန် eM Client ထဲ၌ ဖျောက်ထားသော tool တစ်ခုရှိသည်။ ယင်း tool ကို ရွေး၍ အီးမေးထဲတွင် ထပ်တူဖြစ်နေသော အရာများကို ဖယ်ထုတ်နိုင်ပါသည်။

ယင်းသို့ဆောင်ရွက်ရန်အတွက် app window ထဲတွင် Menu> Tools> Deduplicator အတိုင်း အဆင့်ဆင့် ၀င်သွားရပါ မည်။ Deduplicator Window ပွင့်လာသည့်အခါ ထပ်တူရှိနိုင်သည့်အရာများထဲတွင် မိမိ scan လုပ်ကာ ရှာဖွေလိုသည့်အရာ (ဥပမာ- Mail ၊ Event ၊ Task ၊ Contact) ကို ရွေးပေးရပါမည်။ ပြီးလျှင် Next ၌ ကလစ်နှိပ်ရပါမည်။ ပြီးလျှင် Select ကို ကလစ်နှိပ်ပါ။ သက်ဆိုင်ရာ account ကို ရွေးပါ။ အကယ်၍ သက်ဆိုင်ရာ folder ထဲ၌၀င်၍ ရှာလိုလျှင် app window ၏ အပေါ်ညာဘက်ထောင့် တွင်ရှိ သော အနက်ရောင်မြားတွင် ကလစ်နှိပ်ရပါမည်။ နောက်တစ်ဆင့်တွင် search for duplicates in each individual folder ကို ရွေးရပါမည်။ ပြီးလျှင် Next ကိုနှိပ်ပါ။ ပြီးလျှင် မည်သည့်ဆောင်ရွက်မှုမျိုး ပြုလုပ်စေလိုသည် ကို ရွေးပေး ရပါမည်။ ဥပမာ- trash ထဲသို့ Mail-only ပို့ခြင်းမျိုးနှင့် Merge တွင် Contact -only လုပ်ခြင်းမျိုးဖြစ်သည်။ ထို့ပြင် Remove permently သို့မဟုတ် Move to custom folder တစ်ခုခုကိုလည်း ရွေးပေးရန်လိုသည်။



Custom folder သို့ ပို့ရန်ရွေးချယ်ခြင်းသည် အမှားအယွင်းတစ်ခုခု လုပ်ခဲ့မိလျှင် မိမိရွေးချယ်သော folder တွင် သွားရောက်ပြီး ပြန်လည်ဆယ်တင်နိုင်စေရန်ဖြစ်သည်။ အားလုံး ပြီးလျှင် finish ကိုနှိပ်ပါ။ Deduplicator က scan လုပ်ပါမည်။ တွေ့ရသော ထပ်တူဖိုင်များကို စာရင်းလုပ်ပြီး ပြပါမည်။ ထပ်တူဖိုင်တစ်ခု၏ အသေးစိတ် အချက်အလက်များကို တွေ့ရန် ယင်းအပေါ်တွင် ဘယ်ကလစ်နှစ်ချက်နှိပ်ပါ။ ပြီးလျှင် ယင်းတို့ကို ဖယ်ရှားရန်အတွက် process နေရာတွင် ကလစ်နှိပ်ဖို့ လိုပါသည်။

ဧဧသက်(ဖြိုးဓနဒစ်ဂျစ်တယ်ဓာတ်ပုံ)

Mobile Guide Journal (Every Monday)
https://www.facebook.com/officialmobileguidejournal






<<< အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။ >>>
 






www.pyaephyo.com