မင်္ဂလာပါခင်ဗျာ :::: ကျွန်တော်တင်သမျှ Post လေးများသည် ကျွန်တော်လေ့လာဖူးသမျှကို ပြန်လည်မျှဝေပေးခြင်းဖြစ်ပါတယ်။ သူငယ်ချင်းအားလုံးလည်း ကျွန်တော့် site မှကြိုက်နှစ်သက်တဲ့ မည့်သည့် Post ကိုမဆို မြန်မာ IT နည်းပညာဖွံ့ဖြိုးတိုးတက်ရေးအတွက် ပြန်လည်မျှဝေပေးစေလိုပါတယ်ဗျာ။ ::::

Yllix

Friday, March 10

♪ “Meizu MX6” ♫

Image may contain: 1 person, standing, phone and text

Meizu MX6 ဟာကိုယ်ထည်တစ်ခုလုံးကိုအရည်အသွေးကောင်းမွန်တဲ့ သတ္တုဖြင့် အကွေးပုံစံဒီဇိုင်းနဲ့လှပသေသပ်စွာပုံဖော်ပေးထားပါတယ်။ ထူးခြားမှု များမှာတော့CPU ပိုင်းတွင်Core (၁၀) လုံးကိုပေါင်းစပ်ဖွဲ့စည်း ထားသော2.3GHz DecaCoreကိုအသုံးပြုပေးထားသဖြင့်လုပ်ဆောင်ချက်ပိုင်း တွင် ပိုမိုမြန်ဆန်စေနိုင်ပါတယ်။အချက်အလက်များလျင်မြန်စွာကူးပြောင်းရန် RAM 4GB ကိုအသုံးပြုပေးထားပါတယ်။Meizuရဲ့ယခုစမတ်ဖုန်းအသစ်မှာ မျက်နှာပြင်ပိုင်းအတွက်၅.၅လက်မ ဖြစ်ပြီးdisplay ပိုင်းအတွက်တော့sharp TDDI ကိုသုံးထားပါတယ်။၅.၅လက်မရှိတဲ့မျက်နှာပြင်ဟာFull HD ဖော်ပြ နိုင်စွမ်းနဲ့ဖြစ်ပြီးPPI ကလည်းအတော်ကောင်းလာပါတယ်။403ppi နဲ့ဖြစ်တာ ကြောင့် မြင်ကွင်းပိုင်းမှာပိုမိုရှင်းလင်းပြတ်သားလာမှာဖြစ်ပါတယ်။Resolution (1920x1080) IPS Capacitive Touch Screen ကိုအသုံးပြုပေးထားပါတယ်။ ဖုန်းကိုယ်ထည်အရွယ်အစားပမာဏကတော့153.6x75.2x 7.3mm ဖြစ်ကာ၊ အလေးချိန်မှာ155gရှိပါတယ်။ ဆော့ဝဲတွေသုံးတဲ့အခါမှာကွဲပြားတဲ့ လုပ်ဆောင်ချက် တွေနဲ့အသုံးချနိုင်ပါလိမ့်မယ်။ပြီးတော့ဘေးဘောင် အနားသတ်လိုင်းတွေကလည်းကျစ်လျစ်သပ်ရပ်တဲ့ မျက်နှာပြင်မှာပိုမို ကျဉ်းမြောင်းလာပြီး0.25mm လောက်ကွာသွားပါလိမ့်မယ်။

ဆော့ဝဲပိုင်းနဲ့ပတ်သက်ရင်တော့Meizuဟာသူတို့ရဲ့ကိုယ်ပိုင်UI ဖြစ်တဲ့flyme 5.6 ကိုသုံးနိုင်ပါလိမ့်မယ်။Android OS အနေနဲ့ကြည့်လိုက်မယ်ဆိုရင်တော့6.0 (marshmallow) ဖြစ်ပါတယ်။အွန်လိုင်းWebsite တွေရဲ့စမ်းသပ်ချက်တွေ အရတော့လုံခြုံရေးဆိုင်ရာလုပ်ဆောင်ချက်တွေနဲ့app တွေစီမံခန့်ခွဲမှုတွေမှာ ပိုသွက်လက်လာတယ်လို့ဆိုတယ်။လက်ဗွေဖတ်စနစ်ကလည်းခြုံငုံဖတ်ရှုမှု အပိုင်းမှာစက္ကန့်ပိုင်းအတွင်း ဖွင့်လှစ်ပေးမယ်လို့ဆိုပါတယ်။လက်ဗွေရာစနစ်ကိုသိမ်းဆည်းနိုင်တဲ့အပိုင်းမှာလည်းလက်တစ်ပြင် လုံးအစိတ်အပိုင်းကိုတိကျစွာ မှတ်သားသိမ်းဆည်းနိုင်ပါလိမ့်မယ်။Flyme account ကိုစတင်ဖွင့်သုံးတဲ့ သူတွေအတွက်ကတော့ဂရုတစိုက်ရှိဖို့လိုအပ်ပါလိမ့်မယ်။ဘာကြောင့်လဲဆိုရင်Meizuအနေနဲ့မိုဘိုင်းဖုန်း သုံးတဲ့သူတစ်ဦးချင်းစီရဲ့ကိုယ်ရေးအချက်အလက် တွေကိုလုံခြုံစေဖို့အသေးစိတ်ဂရုစိုက် ထားလို့ပါ။ဖုန်းတစ် ခုလုံးရဲ့သွက်လက် မြန်ဆန်တဲ့လုပ်ဆောင်ချက်တွေကိုအလိုက်သင့်ထိန်းချုပ်မောင်းနှင်နိုင်စေဖို့ အတွက်ကတော့ပရိုဆက်ဆာပိုင်းမှာဈေးသက်သာတယ်လို့သတ်မှတ်နိုင်တဲ့ Mediatekကိုသုံးထားပါတယ်။အချက်အလက်တွေကိုထပ်မံတိုးချဲ့ထည့်သွင်း နိုင်စွမ်းအတွက်SD card ကိုတော့အထောက်အပံ့လုပ်မှာမဟုတ်ပါဘူး။ ကြီးမားတဲ့ပရိုဆက်ဆာတွေကိုမျှတတဲ့စွမ်းရည်ရစေဖို့အတွက်ဘက်ထရီ ကတော့3060mAh စွမ်းအားနဲ့ဖြစ်ပါတယ်။ဘက်ထရီကိုအားသွင်းမြန်စေဖို့ နည်းလမ်းတွေကိုလည်းသုံးစွဲနိုင်မှာဖြစ်ပြီးဘက်ထရီဟာ၁၀မိနစ်အားသွင်းမယ်ဆိုရင်၂၆ရာခိုင်နှုန်း၊ ၇၅မိနစ်အားသွင်းမယ်ဆိုရင်စွမ်းအားအပြည့်၁၀၀ ရာခိုင်နှုန်းအထိရောက်ရှိသွားမှာဖြစ်ပါတယ်။

အနောက်ကင်မရာတွင်12MPကိုအသုံးပြုပေးထားပြီး10 LED (dual tone) Flash ကိုအသုံးပြုပေးထားတဲ့အတွက်ပုံရိပ်ဖမ်းယူမှုကိုအကောင်းဆုံး စွမ်းဆောင်ပေးနိုင်မှာဖြစ်သည့် အပြင်ပုံထွက်အရည်အသွေးမှာလည်း သဘာဝအတိုင်းနီးပါးရိုက်ကူးနိုင်မှာဖြစ်ပါတယ်။Sony ရဲ့IMX386 sensor ဟာပုံရိပ်တွေရိုက်ကူးတဲ့အခါမှာရှင်းလင်းပြတ်သားတဲ့ရုပ်ထွက်ရဖို့အတွက် ကူညီပေးပါလိမ့်မယ်။Autofocus ရဲ့သွက်လက်တဲ့လုပ်ဆောင်နိုင်စွမ်းနဲ့ ပုံရိပ်ကို ချက်ချင်းဖတ်ရှုနိုင်စွမ်းဟာဝ.၀၇စက္ကန့်သာကြာမြင့်မှာဖြစ်ပါတယ်။ 10-led ring flash ကလည်းအမှောင်ထဲမှာရိုက်ကူးတဲ့ပုံတွေကို ရှင်းလင်း ပြတ်သားမှုရှိစေအောင်ထောက်ပံ့ပေးမယ့်အပြင်object နဲ့ဖုန်းကို၂မီတာ အဝေးလောက်ကနေရိုက်ရင်တောင်ပုံထွက်ကောင်းပါလိမ့်မယ်။အရှေ့ဘက်ကင်မရာမှာတော့5MP,f/2.0 စွမ်းရည်နဲ့ဖြစ်ပြီး1080p ဗီဒီယိုတွေကိုတောင် ရိုက်ကူးနိုင်ပါလိမ့်မယ်။Flash ရဲ့လုပ်ဆောင်နိုင်စွမ်းဟာပုံမှန် ထက်၁၀ဆပိုမို ကောင်းမွန်ပါလိမ့်မယ်။ပုံတွေရိုက်ကူးနေရင်းနဲ့အလင်းအမှောင်ချိန်ညှိနိုင်မယ့်အပြင်ဆုံချက်တစ်ခုချင်းစီအတွက်လည်းပိုမိုပုံရိပ်ဖမ်းယူနိုင်စေဖို့အတွက် လေဆာဆုံချက်လိုလုပ်ဆောင်ချက်တွေ ကိုသုံးနိုင်ဦးမှာဖြစ်ပါတယ်။ဖုန်းကို အားသွင်းတာနဲ့ဒေတာလွှဲပြောင်းတာ မြန်ဆန်စေဖို့အတွက်USB type-C အမျိုးအစားဖြစ်ပါတယ်။ဖုန်းအသုံးပြုနေတဲ့အချိန်မှာအပူချိန်မလွန်ဖို့နဲ့ ဆားကစ်ရှော့မဖြစ်စေဖို့အတွက်ကို လည်းဂရုစိုက်ထားပါတယ်။ဘက်ထရီရဲ့ အားပြန်လည်ဖြည့်သွင်းနိုင်စွမ်းအတွက်ကိုလည်းနောက်ဆုံးပေါ် ဖုန်းတွေမှာ သုံးတဲ့နည်းပညာမျိုးတွေသုံးထားပါတယ်။ဈေးနှုန်းတန်ဖိုးမှာ၃၃၉,၀၀၀/- ကျပ် ၀န်းကျင်ရှိပါတယ်။



Mobile Guide Journal (Every Monday)
https://www.facebook.com/officialmobileguidejournal






<<< အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။ >>>
 






www.pyaephyo.com

No comments :

Post a Comment

Related Posts Plugin for WordPress, Blogger...