မင်္ဂလာပါခင်ဗျာ :::: ကျွန်တော်တင်သမျှ Post လေးများသည် ကျွန်တော်လေ့လာဖူးသမျှကို ပြန်လည်မျှဝေပေးခြင်းဖြစ်ပါတယ်။ သူငယ်ချင်းအားလုံးလည်း ကျွန်တော့် site မှကြိုက်နှစ်သက်တဲ့ မည့်သည့် Post ကိုမဆို မြန်မာ IT နည်းပညာဖွံ့ဖြိုးတိုးတက်ရေးအတွက် ပြန်လည်မျှဝေပေးစေလိုပါတယ်ဗျာ။ ::::

Yllix

Monday, April 10

♪ “အိုင်တီလောက၏ သတင်းကောင်းသတင်းဆိုးများ” ♫

Image may contain: text

မြန်မာနှစ်ကူးအကြိုကာလမှာ ကြားရသော အိုင်တီသတင်းအချို့က သတင်း ကောင်းများဖြစ်ပြီး အချို့က သတင်းဆိုးများ ဖြစ်ပါသည်။ အဆိုပါ သတင်းများ အနက်တွင် Wi-fi 802.11 ax နည်းပညာအသစ် အသုံးပြုနိုင်မည့် Chip များ ထွက်ပေါ်လာခြင်း ဟူသော သတင်းကောင်း ransomware ပို၍ပို၍ ဒုက္ခ ပေးလာခြင်းနှင့် privacy ကို အလေးမထားသဖြင့် Play store မှ App ပေါင်းသန်းချီ၍ ဖယ်ရှားခံရဖွယ်ရှိခြင်း သတင်းဆိုးတို့ကို တွေ့ရပါမည်။

<Wi-Fi 802.11 ax သုံးနိုင်မည့် chip များ>

Wi-fi သည် တစ်ချိန်က လူအများစုနှင့် မသက်ဆိုင်သောအရာဖြစ်ခဲ့သော် လည်း ယနေ့အချိန်တွင် လူအများစုနှင့် သက်ဆိုင်သောအရာ ဖြစ်နေပါပြီ။ အနိမ့်ဆုံးအနေဖြင့်ကြည့်လျှင် စမတ်ဖုန်းပေါ်မှာသုံးသော Zapya သည် Wi-fi ဆက်သွယ်မှု စနစ်ဖြစ်ပါသည်။ Wi-fi နောက်ဆုံးထွက်စနစ်မှာ 802.11 ac ဖြစ်ပြီး ယင်းစနစ်ကို အထောက်အပံ့ပေးသည့် hardware များများစားစား မရှိသေးပါ။ လက်ရှိလူအများစု သုံးစွဲနေသည်မှာ 802.11 n ဖြစ်ပါသည်။


သို့သော် အနာဂတ်မျိုးဆက်သစ် Wi-fi ဖြစ်လာမည့် 802.11 ax ကို အသုံးပြု နိုင်သည့် Chip အသစ်များအား မိုဘိုင်း chip ကုမ္ပဏီတစ်ခု ဖြစ်သည့် Qualcomm က ၂၀၁၇ ခုနှစ် ဇွန်လထဲတွင် ထုတ်လုပ်ပါတော့မည်။ ထို့ကြောင့် mobile device နှင့် network vendor များသည် ပိုမိုကောင်းမွန်သော product များကို ထုတ်လုပ်ရပါလိမ့်မည်။ လက်ရှိသုံးနေသော Wi-fi စနစ် များထက် အမြန်နှုန်းလေးဆတက်လာမည်ဖြစ်ပြီး ပါဝါအစားနည်းသွားမည် ဖြစ်ပါသည်။ ထို့ကြောင့် မိုဘိုင်းဖုန်းဖြင့် Wi-fi သုံးသည့်အခါ ဘက်ထရီပို၍ ကြာကြာခံပါလိမ့်မည်။802.11 ax ကိုသုံးခြင်းကြောင့် wireless LAN များသည် ပို၍စွမ်းဆောင်ရည် တက်လာမည်ဖြစ်ပြီး performance လည်း ပိုကောင်းလာ ပါမည်။ Qualcomm အနေဖြင့် 802.11 ax စနစ်သုံးနိုင်သော chip များကို ထုတ်လုပ်တော့မည်ဟု ဆိုသော်လည်း ယင်း chip များ ပါဝင်သည့် ထုတ်ကုန် တို့အားလာမည့် ၂၀၁၈ ခုနှစ် နှစ်ကုန်ပိုင်းအထိ တွေ့မြင်ရရန် မလွယ်သေး ဟု ကျွမ်းကျင်သူများက သုံးသပ်ပါသည်။ လက်ရှိအချိန်တွင် အဆင့်တစ်ခုသို့ ရောက်နေပြီဖြစ်သည့် Wi-fi 802.11 ac သည် gigabit အမြန်နှုန်းကို ရရှိနိုင်ပြီး ရှိသင့်ရှိထိုက်သော စွမ်းဆောင်ရည်ရှိနေပြီးဖြစ်ပါသည်။ သို့သော် 802.11 ac ကို device များတွင် သုံးနိုင်အောင် စီးပွားရေးလုပ်ငန်းကြီးများက လက်ခံ သုံးစွဲလာအောင် network provider များ အသုံးပြုချင်လာအောင် ကြိုးပမ်းနေ ရဆဲဖြစ်ပါသည်။

802.11 ax သည် 802.11 ac ပေါ်တွင် အခြေပြုကာ လှည့်ကွက်အသစ်များ ထပ်မံထည့်သွင်းပေးထားခြင်းဖြစ်ပါသည်။ ထို့ပြင် ကိုယ်ပိုင်စွမ်းဆောင်ရည် အသစ်တချို့ကိုလည်း ထပ်မံပေါင်းထည့်ထားပါသည်။ ရည်ရွယ်ချက်မှာ လက်တွေ့လောကထဲ၌ wi-fi မိရန် ခက်ခဲသောအခြေအနေများတွင် စွမ်းဆောင်ရည်ပိုကောင်းအောင် ရည်ရွယ်ခြင်းဖြစ်ပါသည်။ ဥပမာအားဖြင့် ဆိုလျှင် အပြိုင် Wi-fi network များအကြားတွင် ၀င်ရောက်သုံးစွဲရသော အခြေအနေမျိုးဖြစ်ပါသည်။ Advanced LTE နှင့် 5G တို့အကြားတွင် Wi-fi 802.11 ax သည် အတူယှဉ်တွဲ အလုပ်လုပ်နိုင်မည်ဟု မျှော်လင့်ထားပါသည်။
802.11 ax တွင် multiple antenna များ အသုံးပြုမည်ဖြစ်ပြီး တစ်ချိန်တည်း တွင် stream (၁၂) ခုအထိ အသုံးပြုနိုင်ပါမည်။ ထို့ပြင် မိုဘိုင်းနည်းပညာ များကိုလည်း ဆွဲယူအသုံးပြုမည်ဖြစ်ရာ network ထဲတွင် on/off ထိရောက်စွာ လုပ်နိုင်သော Traffic scheduling စွမ်းဆောင်ရည်ကိုပါ ရရှိပါမည်။ ယခင် စနစ်ဟောင်းများကို device အချင်းချင်းအကြိမ်ကြိမ် ပြန်ချိန်စရာမလိုဘဲ တစ်ကြိမ်ချိတ်ရုံဖြင့် သိနေမည်ဖြစ်သည့်အတွက် ပါဝါစားသုံးမှု သုံးပုံနှစ်ပုံ လျော့နည်းသွားမည်ဟု Qual-comm က ဆိုပါသည်။

<အရေးပါသော နေရာများကို ထိုးနှက်လာသည့် ransomware>

ransomware ဆိုသည်မှာ သတင်းအချက်အလက်များကို ပြန်ပေးဆွဲသည့် malware ဖြစ်သည်။ တစ်ဦးတစ်ယောက်၏ ကွန်ပျူတာထဲမှ အရေးကြီးသော သတင်းအချက်အလက်များကို ဖွင့်ကြည့်၍မရအောင် ပြုလုပ်ထားလိုက်ပြီး ပြန်ပေးကြေးရမှ ပြန်ကြည့်ခွင့်ပြုသော malware လည်းဖြစ်ပါသည်။ ransomware ပေါ်လာသည်မှာ နှစ်နှစ်ခန့်ရှိပါပြီ။ ဤဖက်နှစ်များတွင် ransomware တို့ပို၍သောင်းကျန်းလာသည်။ ပြန်ပေးတောင်းခံငွေပို၍မြင့်မား လာသည်။ data တစ်စိတ်တစ်ပိုင်းကိုသာ ကွက်၍ ပြန်ပေးဆွဲရုံမကတော့ဘဲ စိတ်မထင်လျှင် ကွန်ပျူတာစနစ်တစ်ခုလုံးကို ပိတ်ချပစ်သည့်အတွက် အရေးကြီးလုပ်ငန်းများ၊ စက်ရုံ များကို ထိခိုက်စေပါသည်။

၂၀၁၆ ခုနှစ်အတွင်းတွင် ဆိုက်ဘာရာဇ၀တ်ကောင်တို့ ransomware သုံးပြီး တောင်းခံသော ပြန်ပေးကြေးသည် ဒေါ်လာသန်းတစ်ထောင်မျှရှိသည်ဟု ဆိုပါသည်။ ransomware သည် ပုဂ္ဂလိက data တို့ကိုရယူပြီး encrypt လုပ်ပစ်ပါသည်။ ယင်းနောက် ပြန်ပေးကြေးတောင်းပါသည်။ ပြန်ပေးကြေး မရလျှင် data တို့အားဖျက်ပစ်မည်ဟု ခြိမ်းခြောက်ပါသည်။ ပြန်ပေးကြေးကို bitcoin ဖြင့် တောင်းခံလေ့ရှိပါသည်။ ယခုအခါတွင် ransomware သည် အခြေခံအဆောက်အဦများကို တိုက်ခိုက်လာသည့်အတွက် စိုးရိမ်လာ ကြခြင်းဖြစ်ပါသည်။ သြစတြေးလျနိုင်ငံမှ ဟိုတယ်တစ်ခုတွင် အခန်း သော့ပိတ်သည့် ဒစ်ဂျစ် တယ်ကတ်ပြားစနစ်အား ပြန်ပေးဆွဲခံရခြင်းကို ထင်ရှားသော သာဓကတစ်ခုအဖြစ် မြင်နိုင်ပါသည်။Ransomware ၏ နှိပ်စက်မှုဒဏ်ကို မခံရစေရန် စီးပွားရေးလုပ်ငန်းကြီးများအနေဖြင့် data back up နေ့စဉ်ပြုလုပ်သင့်သည်ဟု ကျွမ်းကျင်သူများက အကြံပေးပါသည်။ Security software ထုတ်လုပ်သော ကုမ္ပဏီများကလည်း ransomware အတွက်သီးသန့် software ထုတ်လုပ်ပေးလျက်ရှိရာ ကွန်ပျူတာအတော် များများတွင် ကြို၍တင်ထားပါက ransomware infection ဘေးမှ ကင်းဝေး နိုင်ပါလိမ့်မည်။

<Play store ပေါ်မှ ဖယ်ရှားပစ်မည့် App များ>

Google က လွှင့်တင်ထားသော Play Store ပေါ်တွင် App ပေါင်း သန်းချီ၍ ရှိနေပါသည်။ App အတော်များများသည် အမှန်အကန်ဟု ထင်ရသော်လည်း developer က တင်ပြထားသော software ဆိုင်ရာ သတင်းအချက်အလက်တို့ သည် software အတွင်းမှ အမှန်တကယ် လုပ်ဆောင်ချက်များနှင့် မကိုက်ညီ သဖြင့် ယင်းတို့ကို Zombie app ဟုလည်း ခေါ်ပါသည်။ မှန်ကန်မှုလည်းမရှိ privacy ကိုလည်း အလေးမထားသော App များကို ဖယ်ရှားမည့်အကြောင်း Google က စတင် သတိပေးနေပါပြီ။ App ၏ လုပ်ငန်းလုပ်ဆောင်မှုနှင့် သက်ဆိုင်ခြင်းမရှိဘဲ ပုဂ္ဂိုလ်ရေး အချက်အလက်များကိုရယူခြင်း သို့မဟုတ် sensitive user data များကိုရယူခြင်း၊ ထို data များကို အခြားတစ်နေရာသို့ ထုတ်လွှင့်ခြင်းတို့သည် privacy ကို ချိုးဖောက်ခြင်း ဖြစ်သည်ဟု Google က ဆိုပါသည်။ Play Store ပေါ်တွင်တင်သော App တို့သည် user data ကို မည်သို့မည်ပုံ အသုံးပြုမည်ဖြစ်ကြောင်း၊ user အား အသိပေးရမည့်အပြင် user ၏ ခွင့်ပြုချက်ကို ရယူရမည်ဟုလည်း သတိပေးပါသည်။ အဆိုပါ စည်းကမ်းချက်ကို မလိုက်နာသော App များကို ၂၀၁၇ မတ်လ ၁၅ ရက် နောက်ပိုင်းမှစပြီး Play Store ပေါ်တင် ခွင့်ရုပ်သိမ်းသွားပါမည်။



ဧဧသက်(ဖြိုးဓနဒစ်ဂျစ်တယ်ဓာတ်ပုံ)

Mobile Guide Journal (Every Monday)
https://www.facebook.com/officialmobileguidejournal








<<< အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။ >>>

 
 
 
 
 
 
 
 
www.pyaephyo.com

No comments :

Post a Comment

Related Posts Plugin for WordPress, Blogger...