မင်္ဂလာပါခင်ဗျာ :::: ကျွန်တော်တင်သမျှ Post လေးများသည် ကျွန်တော်လေ့လာဖူးသမျှကို ပြန်လည်မျှဝေပေးခြင်းဖြစ်ပါတယ်။ သူငယ်ချင်းအားလုံးလည်း ကျွန်တော့် site မှကြိုက်နှစ်သက်တဲ့ မည့်သည့် Post ကိုမဆို မြန်မာ IT နည်းပညာဖွံ့ဖြိုးတိုးတက်ရေးအတွက် ပြန်လည်မျှဝေပေးစေလိုပါတယ်ဗျာ။ ::::

Yllix

Tuesday, April 25

♪ ဖုန်းလိုရော လက်တော့လိုပါ သုံးနိုင်မယ့် Mirabook ♫

https://i0.wp.com/digitaltimes.com.mm/wp-content/uploads/2017/04/mirabook.jpg?fit=800%2C450&ssl=1

စမတ်ဖုန်းများရဲ့ စွမ်းရည်ဟာ မြင့်မားလာတဲ့အတွက် စမတ်ဖုန်းများကို လက်တော့အဖြစ်ပါ အသုံးပြုနိုင်မယ့် နည်းပညာများကို တီထွင်လာကြပါတယ်။ ယခင်နှစ်တုန်းကလည်း စမတ်ဖုန်းလိုရော လက်တော့လိုပါ အသုံးပြုနိုင်တဲ့ Superbook ကို ထုတ်လုပ်ရောင်းချဖို့ Kickstarter ၀က်ဆိုက်မှာ ရန်ပုံငွေ ကောက်ခံခဲ့ပါတယ်။

Microsoft ကလည်း ၀င်းဒိုးဖုန်းကို လက်တော့လိုပါ အသုံးပြုနိုင်တဲ့ Windows Continum ကို ဖန်တီးထားပါတယ်။ Samsung ကလည်း မကြာခင်က မိတ်ဆက်ခဲ့တဲ့ Galaxy S8 ကို မော်နီတာနဲ့ ချိတ်ဆက်၍ လက်တော့လို အသုံးပြုနိုင်မယ့် DeX Dock ကို ဖန်တီးပေးထားပါတယ်။

အခုလည်း စမတ်ဖုန်း လိုရော လက်တော့လိုပါ အသုံးပြုနိုင်မယ့် Mirabook ပေါ်လာပါပြီ။ သူ့ကို ထုတ်လုပ်ရောင်းချဖို့ Indiegogo ၀က်ဆိုက်မှာ ရန်ပုံငွေ ကောက်ခံနေပါတယ်။ လက်တော့မှာ ၁၃.၃ လက်မ မျက်နှာပြင်၊ ကီးဘုတ်တစ်ခု၊ ၂၄ နာရီ အသုံးခံတဲ့ ဘက်ထရီများ တပ်ဆင်ထားပါတယ်။ လက်တော့ ဆိုပေမယ့် သူ့မှာ Operating System မပါရှိပါဘူး။ သင့်ရဲ့ စမတ်ဖုန်းကို လက်တော့မှာ USB-C Port မှတစ်ဆင့် ချိတ်ဆက်လိုက်တာနဲ့ ဖုန်းမှ Operating System , Apps များကို လက်တော့မှာ အသုံးပြုနိုင်မှာ ဖြစ်ပါတယ်။ လက်တော့မှာ ထိတွေ့မျက်နှာပြင် တပ်ဆင်ထားတဲ့ အတွက် စမတ်ဖုန်းမှာလိုပဲ Apps များကို ထိတွေ့ အသုံးပြုနိုင်မှာ ဖြစ်ပါတယ်။

Mirabook ရဲ့ ထူးခြားချက်မှာ Microsoft Continum , Remix OS , Samsung DeX တို့ အပါအ၀င် Phone-to-Desktop Operating Systems အားလုံးနဲ့ တွဲဖက် အလုပ်လုပ်နိုင်တာ ဖြစ်ပါတယ်။ Intel Compute Stick နဲ့လည်း လက်တော့ကို တွဲသုံးနိုင်ပါတယ်။ Indiegogo ၀က်ဆိုက်မှာ ၁၈၀ ဒေါ်လာ ရန်ပုံငွေ ထည့်ဝင်ထားရင် ရောင်းချချိန်မှာ တစ်ခု ရရှိမှာပါ။




Credit to ==> DigitalTimes.com.mm




<<< အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။ >>>

 
 
 
 
 
 
 
 
www.pyaephyo.com

No comments :

Post a Comment

Related Posts Plugin for WordPress, Blogger...