မင်္ဂလာပါခင်ဗျာ :::: ကျွန်တော်တင်သမျှ Post လေးများသည် ကျွန်တော်လေ့လာဖူးသမျှကို ပြန်လည်မျှဝေပေးခြင်းဖြစ်ပါတယ်။ သူငယ်ချင်းအားလုံးလည်း ကျွန်တော့် site မှကြိုက်နှစ်သက်တဲ့ မည့်သည့် Post ကိုမဆို မြန်မာ IT နည်းပညာဖွံ့ဖြိုးတိုးတက်ရေးအတွက် ပြန်လည်မျှဝေပေးစေလိုပါတယ်ဗျာ။ ::::

Yllix

Sunday, May 14

♪ မိုဘိုင်းဖုန်းနဲ့ မှောင်တဲ့အချိန်မှာ ဓာတ်ပုံတွေ ဘယ်လိုရိုက်ကူးမလဲ ♫


ဖုန်းနဲ့ ဓာတ်ပုံတွေ ရိုက်ကူးတဲ့အခါမှာ အချို့ဓာတ်ပုံရိုက် ၀ါသနာရှင်တွေအနေနဲ့ မှောင်တဲ့အချိန် ဓာတ်ပုံတွေကို ရိုက်ကူးချင်ကြပါတယ်။ ဒါပေမဲ့ ဖုန်းတွေမှာ ညဘက် ရိုက်ဖို့အတွက် အချို့ဖုန်းတွေမှာ နည်းပညာကြောင့် အခက်အခဲတချို့ရင်ဆိုင်ကြရပါတယ်။ နည်းပညာ အခက်အခဲမှာ ဖုန်းမှာပါဝင်တဲ့ နည်းပညာကြောင့် အခက်အခဲဖြစ်နုိုင်သလို ဓာတ်ပုံပညာရပ်ဆိုင်ရာ နည်းပညာရပ်တွေကို လေ့လာမှု နည်းလို့ ရင်ဆိုင်ရတဲ့ အခက်အခဲတွေ ရှိကြတာကို တွေ့ကြရပါတယ်။ ဒါကြောင့် အခုဆောင်းပါးမှာ မှောင်နေတဲ့ အချိန်မှာ မိုဘိုင်းဖုန်း အသုံးပြုပြီး Professional ဓာတ်ပုံကောင်းတွေ ရဖို့အတွက် ဘယ်လိုရိုက်ကူးမလဲ ဆိုတာတွေကို အချက်အချို့နဲ့ ဖော်ပြပေးသွားပါမယ်။

မှောင်နေတဲ့အချိန်မှာ ဓာတ်ပုံတွေကို ဘယ်လိုရိုက်မလဲ
စမတ်ဖုန်းကိုင်ထားတဲ့ လူတော်တော်များများက ဓာတ်ပုံရိုက်ရင် အလင်းအမှောင်ကို ထိန်းချုပ်ရိုက်ကူးတဲ့အခါ အချို့စမတ်ဖုန်းတွေက အလိုအလျောက် ချိန်ညှိပေးတဲ့အတွက် တစ်ခါတလေမှာ အလင်းအားနည်းတဲ့ ဓာတ်ပုံတွေမှာ ဖွယ်နေပြီး လူရုပ်တွေက သေချာမသဲကွဲတဲ့အဖြစ်မျိုး ကြုံဖူးကြသလို ပတ်ဝန်းကျင်အနေအထား လှပမှုတွေကို ရိုက်ကူးတဲ့ အခါမှာလည်း ဓာတ်ပုံက အရည်အသွေး မကောင်းဘဲ တန်းမဝင်တဲ့ ဓာတ်ပုံတွေကိုသာ ရရှိကြပါတယ်။ နောက်ပိုင်း စမတ်ဖုန်းတွေမှာ ကင်မရာရဲ့ အရည်အသွေးတွေကို မြှင့်တင်လာပြီး အလင်းအားနည်းတဲ့ အချိန်မှာတောင် ကောင်းကောင်းရိုက်နိုင်အောင် နည်းပညာအရဖန်တီး လာကြပါတယ်။ အလိုအလျောက် ချိန်ညှိပေးတဲ့အတွက် ထင်သလောက် ကွာလတီကို မရနိုင်ဘဲ ရှိနေပါတယ်။ ဒါကြောင့် အလင်းအားနည်းချိန်မှာ လူပုံကိုပဲ ရိုက်ကူးတာပဲဖြစ်ဖြစ်၊ ရှုခင်းတွေ လှပတဲ့မြို့တွင်း ပုံတွေရိုက်ကူးတာပဲဖြစ်ဖြစ်မှာ အကောင်းဆုံးကတော့ Manual စနစ်နဲ့ ရိုက်ကူးခြင်းက အကောင်းဆုံးပဲ ဖြစ်ပါတယ်။ အဲ့လိုရိုက်ကူးတဲ့အခါမှာ Tripod သုံးရင် ပိုမိုအဆင်ပြေစေပါတယ်။ ဓာတ်ပုံအယူအဆအတွက် ဆိုရင်တော့ နေ့ဘက်မှာ ရိုက်ကူးတဲ့ ဓာတ်ပုံတွေထက် ပိုပြီးတော့ နည်းစနစ်တွေ ပိုမိုအသုံးပြုရိုက်ကူး ရပါတယ်။

၁။ ကင်မရာလုပ်ဆောင်ချက်တွေလေ့လာပါ။

မိုဘိုင်းဖုန်းကင်မရာနဲ့ အလင်းအားနည်းတဲ့အခါ ဓာတ်ပုံရိုက်တော့မယ်ဆိုရင် အရင်ဆုံးအမှောင်ထဲမှာ ဘယ်လိုရိုက်ကူး ရမလဲဆိုတာနဲ့ ဘယ်လိုရိုက်ကူးလိုက်ရင် ဘယ်လိုပုံထွက်တယ် ဆိုတာကို လေ့လာထားဖို့ လိုအပ်ပါတယ်။ အကြောင်းအရင်းက ကိုယ်ရိုက်မယ့် ရှုခင်းနေရာမှာပဲဖြစ်ဖြစ်၊ လူပုံကိုရိုက်ကူးတဲ့ အခါမှာပဲဖြစ်ဖြစ် အမှောင်က ဘယ်လောက် ပမာဏရှိနေပြီး လင်းအောင် Shutter Speed ဘယ်လောက်ထားပြီး ရိုက်ကူးရမယ်ဆိုတာကို လေ့လာထားရပါမယ်။ ဖုန်းကင်မရာတွေမှာ ပါဝင်တဲ့ Camera Manual စနစ်က shutter speed က ဘယ်အတိုင်းတာအထိ လုပ်နိုင်လည်းဆိုတာကို ဓာတ်ပုံတွေ အစမ်းရိုက်ကူးရင်နဲ့ လေ့လာနိုင်ပါတယ်။ အဲလိုမှ ကိုယ်တကယ်လိုချင်တဲ့ အလင်းအမှောင်နဲ့ ရုပ်ထွက်တွေကို ချိန်ညှိကစားသွားနိုင်ပါတယ်။ အဓိကကတော့ Shutter Speed နဲ့ ISO ကို လိုသလို ချိန်ထိုးကစားနိုင်ပြီး ဓာတ်ပုံအရည်အသွေးကို လေ့လာနိုင်ပါတယ်။ အချို့ကတော့ မိုဘိုင်းဖုန်းမှာပါတဲ့ auto စနစ်ကိုပဲထားပြီး ရိုက်ကူးလိုက်တဲ့အတွက် ဦးနှောက်ခြောက်စရာ မလိုပါဘူး။ ဒါပေမဲ့ ဖုန်းကင်မရာက ထုတ်ပေးတဲ့ ဓာတ်ပုံကွာလတီကိုပဲ ရှိမှာပါ။ အခုနကလို Shutter Speed နဲ့ ISO တွေ ချိန်ထိုးကစားပြီး ရိုက်ကူးမယ်ဆိုရင်တော့ မဖြစ်မနေ Tripod နဲ့ ဖုန်းကို တပ်ဆင်ရိုက်ကူး သင့်ပါတယ်။ ဖုန်းတင်ပြီး ရိုက်တဲ့ Tripod က ဈေးကွက်ထဲမှာ ဈေးသိပ်မများဘဲ ဝယ်ယူနိုင်ပါတယ်။

၂။Exposure Level ကို လျော့ချခြင်း

အလင်းအားနည်းတဲ့ ဓာတ်ပုံတွေကို ရိုက်ကူးတဲ့အခါမှာ ဓာတ်ပုံပညာအရ ဘယ်အရာတွေကို ရိုက်ကူးမယ်ဆိုတာ အများကြီးမူတည် ပါတယ်။ ရိုးရိုး Night Life ဓာတ်ပုံတွေလား၊ Night Life ဓာတ်ပုံတွေမှာမှ ဓာတ်ပုံပညာကို ထည့်သွင်းရိုက်ကူး မလားဆိုတဲ့ ကိုယ်ပိုင်ဆုံးဖြတ်ချက်တွေအရ ကင်မရာမှာ အသုံးပြုမယ့် exposure level တွေကလည်း မတူညီနိုင်တာကို တွေ့ရပါတယ်။ ရိုးရိုးဓာတ်ပုံတွေမှာတော့ လင်းအားကောင်းကောင်းနဲ့ ပတ်ဝန်းကျင်မှာရှိနေတဲ့ အရာတွေအားလုံးကို ထင်ရှားစွာ မြင်နိုင်အောင် ရိုက်ကူးဖို့အတွက် Exposure များများထားပြီး ရိုက်ကူးကြပေမယ့် ဓာတ်ပုံပညာကို ထည့်ပြီးရိုက်ကူးမယ် ဆိုရင်တော့ အမှောင်ထားသင့်တဲ့ နေရာလေးတွေမှာထား၊ အလင်းပါသင့်တဲ့ နေရာမှာအလင်း ထည့်ပြီး ရိုက်ကူး ရတာကြောင့် ဓာတ်ပုံတစ်ပုံ လုံးလင်းနေဖို့တော့ မလိုအပ်တာကို တွေ့ရပါတယ်။ ဒါကြောင့် အဲလိုဓာတ်ပုံတွေအတွက် Exposure တွေ အများကြီး ထည့်စရာမလိုဘဲ Exposure Level ကို လျှော့ပြီး ကိုယ်လိုချင်တဲ့ အလင်းအမှောင်နဲ့ ဓာတ်ပုံကောင်း တစ်ပုံကို ရိုက်ကူးနိုင်ပါတယ်။

၃။ အမှောင်နေရာတွေ ချန်ရိုက်ကူးခြင်း

ဓာတ်ပုံပညာမှာ ဓာတ်ပုံတစ်ပုံလုံး လင်းနေရမယ်လို့ မဆိုလိုထားပါဘူး။ လင်းသင့်တဲ့နေရာတွေ လင်းထားပြီး မှောင်ထားသင့်တဲ့ နေရာတွေမှာ မှောင်နေခြင်းက ရသတစ်ခုကိုပေးမှာ ဖြစ်ပါတယ်။ ညဘက်လိုမျိုး Street photo တွေ ရိုက်ကူးတဲ့အခါ လမ်းမီးတိုင်တွေနဲ့ မှောင်နေတဲ့ အခြမ်းတွေကို ရှာဖွေပြီး မှောင်တဲ့နေရာတွေ ကို ချန်ထားရိုက်ကူး ကြပါတယ်။ ဓာတ်ပုံတစ်ပုံရဲ့ ဘောင်ဘေးပတ်ဝန်းကျင်မှာ မှောင်နေပြီး ဓာတ်ပုံရဲ့ အလယ်မှာပဲဖြစ်ဖြစ်၊ ဓာတ်ပုံပေါ်ထောင့်ကနေ အလင်းဖြာကျတဲ့ ပုံစံမျိုးပဲဖြစ်ဖြစ် ပုံဖော်ရိုက်ကူး တတ်ကြပါတယ်။ ဒါကြောင့် ဓာတ်ပုံပညာမှာ အမှောင်တွေရဲ့ အားကိုထည့်သွင်းရိုက်ကူး ခြင်းဟာလည်း ဓာတ်ပုံကိုကြည့်ရှုသူက အရသာတစ်ခုကို ခံစားရမှာပဲ ဖြစ်ပါတယ်။

၎။ ဖွာနေတဲ့ဓာတ်ပုံတွေမဖြစ်အောင် ရိုက်ကူးခြင်း

အလင်းအားနည်းတဲ့ ဓာတ်ပုံရိုက်ကူးထားတဲ့ ဓာတ်ပုံတွေမှာ အများဆုံးကြုံတွေ့တဲ့ အခက်အခဲပဲ ဖြစ်ပါတယ်။ အချို့ ဖုန်းကင်မရာတွေက Auto ထုတ်ပေးလိုက်တဲ့ ဓာတ်ပုံတွေမှာ အများဆုံးအဖြစ်များ ပါတယ်။ ဒါ့အပြင် HDR စနစ်တွေကြောင့် ဓာတ်ပုံရဲ့ ရုပ်ထွက်ကို ဆွဲတင်လိုက်တဲ့ အခါမှာလည်း အဲလို ဖွယ်နေ ဖွာနေတဲ့ ဓာတ်ပုံတွေကိုသာ ရရှိကြပါတယ်။ အလင်းအမှောင်ကို ဖုန်းကင်မရာက ချိန်ညှိတဲ့အခါမှာ ISO တွေကို အလွန်အကျွံ ဆွဲတင်ပြီး ဓာတ်ပုံက အဲလိုမျိုးဖွာသွားကြတာပါ။ ဒါကြောင့် ဒီလိုဖွာနေတဲ့ ဓာတ်ပုံတွေ မလိုချင်ဘူးဆိုရင်တော့ အလင်းအားနည်းတဲ့ ဓာတ်ပုံရိုက်ကူးရင် Auto စနစ်ကို မသုံးတာဟာ အကောင်းဆုံးဖြစ်ပြီး Manual စနစ်နဲ့ ရိုက်ကူးနိုင်သလို Manual စနစ်မပါတဲ့ ဖုန်းတွေအတွက်တော့ Long Expoture စနစ်အထောက်အပံ့ ပါဝင်တဲ့ App တွေနဲ့ ရိုက်ကူးတာက အကောင်းဆုံးဖြစ်မှာပါ။ Long Expoture ရိုက်တော့မယ်ဆိုရင်တော့ မဖြစ်မနေ Tripod ကတော့ လိုအပ်တော့မှာပဲ ဖြစ်ပါတယ်။ တကယ်လို့ Long Expoture နဲ့လည်း ရိုက်ပြီးပြီ၊ ဓာတ်ပုံကလည်းကောင်းနေပြီး ဓာတ်ပုံကို edit လုပ်တဲ့ အခါမှာ အချို့က အလွန်အကျွံ edit လုပ်ကြပါတယ်။ အဲ့အချိန်မှာ အချို့က HDR တွေ အများကြီးသုံးပြီး edit လုပ်လိုက်တဲ့အခါမှာ ကိုယ့်ဓာတ်ပုံက စုတ်ချက်ကြမ်းကြမ်း ရေးဆွဲထားတဲ့ ပန်းချီကားတစ်ခုလို့ ခပ်ကြမ်းကြမ်း ခပ်ဖွာဖွာဖြစ်သွားတဲ့လို့ သတိထားသုံးစွဲ သင့်ပါတယ်။

၅။ Sunrise နဲ့ Sunset ဓာတ်ပုံတွေ ရိုက်ကူးခြင်း

နေဝင်ချိန်နဲ့ နေထွက်ချိန်တွေကို ရိုက်ကူးတဲ့အခါမှာလည်း အလင်းရောင်နဲ့ အမှောင်ကို ကစားရိုက်ကူးမှ လှပတဲ့ နေဝင်ဆည်းဆာ ဓာတ်ပုံတွေကို ရရှိမှာပါ။ နေဝင်ချိန်နဲ့ နေထွက်ချိန်တွေမှာ ထည့်သွင်းရိုက်ကူးမယ့် Subject တွေကိုလည်း အလင်အများကြီး ပေးစရာမလိုဘဲ ခပ်မှောင်မှောင် အနေအထားမှ နေရောင်နဲ့ တိမ်သားပြင်တွေရဲ့ အလှကို ပိုပြီးပေါ်လွင်နေတာကို မြင်တွေ့ရမှာပါ။ နေထွက်ချိန်မှာပဲဖြစ်ဖြစ် နေဝင်ချိန်မှာပဲဖြစ်ဖြစ် မြို့ပြရဲ့ မီးရောင်တွေနဲ့အတူ ရိုက်ကူးမယ်ဆိုရင်လည်း  လင်းလက်နေတဲ့ မီးရောင်တွေကို  အရမ်းကြီး မပေါ်လွင်လွန်းဘဲ အလင်းတွေကို အတတ်နိုင်ဆုံးလျှော့ချပြီး ခပ်ပျပျ အနေအထားအဖြစ် ထည့်သွင်းရိုက်ကူး သင့်ပါတယ်။ အဲလိုဓာတ်ပုံတွေ ရိုက်ကူးပြီးရင် အလင်းအမှောင် ချိန်ညှိဖို့ပဲဖြစ်ဖြစ်၊ Crap လုပ်ဖို့ပဲဖြစ်ဖြစ် Edit လုပ်မယ် ဆိုရင် Snapseed လို App တွေသုံးဆွဲတာ ပိုမိုကောင်းမွန်စေပါတယ်။

၆။ အလင်းရောင်တွေကို Leading Line အဖြစ် သုံးစွဲရိုက်ကူးခြင်း

ဓာတ်ပုံပညာမှာ  အမြဲတမ်းထည့်သွင်း ပြောဆိုလေ့ရှိတဲ့ Leading Line ထည့်သွင်း ရိုက်ကူးခြင်းဆိုရာမှာ ညဘက် ဓာတ်ပုံပညာတွေမှာလည်း အလင်းရောင်တွေကို Leading Line ဖြစ်နေအောင် ထည့်သွင်းရိုက်ကူးခြင်းက မတူကွဲပြားတဲ့ ဓာတ်ပုံအရသာကို ပေးစွမ်းမှာပါ။ ညဘက်ဓာတ်ပုံတွေ ဘာရိုက်ရမလဲစဉ်းစားမရဘူးဆိုရင် အစီအရီထားတဲ့ ဓာတ်မီးတိုင်တွေရဲ့ ဖြာကျနေတဲ့ အလင်းရောင်တွေကို ရိုက်ကူးနိုင်သလို အဆောက်အဦ လျှောက်လမ်းရှည်ကြီးထဲမှာ တပ်ဆင်ထားတဲ့ မီးချောင်းတွေကိုလည်း Leading line ပုံစံရိုက်ကူးနိုင်ပါတယ်။ အခြား အလင်းရောင်တွေ Leading Line ဖြစ်နေတဲ့ အချိန်အခါ အမြောက်အမြား ရှိနေတာကြောင့် အဲဒီဓာတ်ပုံတွေကို အမိအရ ရိုက်ယူထားခြင်းကလည်း ဓာတ်ပုံကောင်းတွေရဖို့ ကြိုးစားအားထုတ်မှု တစ်ခုပါပဲ။ Leading Line မဖြစ်ရင်တောင် မီးလင်နေတဲ့ ပြတင်းပေါက်တွေ၊ ကားရှေ့မီးတွေ။ ဆိုင်းဘုတ်တွေကို ဓာတ်ပုံကြည့်သူရဲ့ မျက်လုံးက အာရုံစိုက်မိအောင်လည်း ဖန်တီးရိုက်ကူးနိုင်ပါသေးတယ်။

၇။ Long Exposure စမ်းသပ်ရိုက်ကူးဖို့ အကောင်းဆုံး

အလင်းအားနည်းရင် (သို့) မှောင်နေရင် ဓာတ်ပုံရိုက်ကူးရတာဟာ Long Exposure ရိုက်ကူးဖို့အတွက် အခွင့်အရေးကောင်း အခါသမယပဲ ဖြစ်ပါတယ်။ ပတ်ဝန်းကျင်မှာရှိတဲ့ အရာဝတ္ထုတွေကို အလင်းအမှောင် ကောင်းကောင်းချိန်ပြီး ရိုက်ကူးနိုင်မယ်၊ ရွေ့လျားနေတဲ့ အရာဝတ္ထုတွေကို မတူကွဲပြားတဲ့ အမြင်ဖြစ်အောင် ရိုက်ကူးနိုင်မယ်။ Landscape တွေရိုက်ကူးတဲ့ အခါမှာဆိုရင် Star Tril တွေကိုလည်း စမ်းသပ်ရိုက်ကူးနိုင်မှာဖြစ်လို မြို့တွင်းမှာ ကားမီးအလင်းတန်းတွေဖြစ်တဲ့ Light trail တွေကိုလည်း ဖန်တီး ရိုက်ကူးနိုင်မှာ ဖြစ်ပါတယ်။ ဒါကြောင့် Long Exposure  ကို ဖုန်းနဲ့ ရိုက်ကူးမယ် ဆိုရင်တော့ ဖုန်းထဲမှာ Camera Manual စနစ် ပါဝင်ရမယ်။ မပါဝင်ပါက Manual စနစ်သုံးနိုင်တဲ့ App တွေကို ရွေးချယ်ပြီး ရိုက်ကူးနိုင်ပါတယ်။ အဲ့ဒါ အပြင် Tripod တစ်ချောင်းလည်း လိုအပ်မှာဖြစ်ပါတယ်။

၈။ Black & White ပြုလုပ် ရိုက်ကူးခြင်း

ညဘက်ဓာတ်ပုံတွေ ရိုက်ကူးထားပြီးပြီဆိုရင် Black & White ပြုလုပ်ကြည့်သွင်းပါတယ်။ အဲ့အချိန်မှာ ဓာတ်ပုံရဲ့ ပုံစံဟာ လုံးဝပြောင်းလဲသွားပြီး အမြင်တစ်ခုကို ကောင်းကောင်းလှည့်စား သွားနိုင်တာကို တွေ့ရပါတယ်။ လူပုံမှာဆိုရင် အရိပ်ကျနေတဲ့ နေရာတွေနဲ့ လှပမှုတွေ လမ်းမထက်က အလင်းအမှောင် အဖြူအမည်း အားပြိုင်မှုတွေကို ထပ်မံမြင်တွေ့ရမှာပါ။ ဒီလိုဓာတ်ပုံတွေကို မိုဘိုင်းဖုန်း ရိုးရိုးကင်မရာနဲ့ပဲ ကာလာအနေနဲ့ ရိုက်ကူးပြီး အဖြူအမည်း ပြန်လည်ပြုပြင်နိုင်သလို အခုနောက်ပိုင်း အချို့ မိုဘိုင်းဖုန်းတွေမှာ အဖြူအမည်း တစ်ခါတည်း ရိုက်ကူးနိုင်အောင် Monocrome စနစ်တွေကို ထည့်သွင်းပေးထား ကြပါတယ်။ မိုဘိုင်းဖုန်းအတွက် အဖြူအမည်းပုံအဖြစ် ပြန်လည်ပြုပြင်ဖို့အတွက်ဆိုရင်တော့ Shapseed, Dynamic Black & White, Light Room စတဲ့ App တွေက တော်တော်ကောင်းမွန်တာ တွေ့ရပါတယ်။



Credit to ==> Internet Journal
 



<<< အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။ >>>

 
 
 
 
 
 
 
 
www.pyaephyo.com

No comments :

Post a Comment

Related Posts Plugin for WordPress, Blogger...