မင်္ဂလာပါခင်ဗျာ :::: ကျွန်တော်တင်သမျှ Post လေးများသည် ကျွန်တော်လေ့လာဖူးသမျှကို ပြန်လည်မျှဝေပေးခြင်းဖြစ်ပါတယ်။ သူငယ်ချင်းအားလုံးလည်း ကျွန်တော့် site မှကြိုက်နှစ်သက်တဲ့ မည့်သည့် Post ကိုမဆို မြန်မာ IT နည်းပညာဖွံ့ဖြိုးတိုးတက်ရေးအတွက် ပြန်လည်မျှဝေပေးစေလိုပါတယ်ဗျာ။ ::::

Yllix

Sunday, June 18

♪ “Android Keyboard ကို အဆင့်မြှင့်ပါ” ♫

Image may contain: text

စမတ်ဖုန်းတိုင်းတွင် Android Keyboard တစ်ခုတော့ပါစမြဲဖြစ်သည်။ ဖုန်းထုတ်လုပ်သည့် ကုမ္ပဏီကိုလိုက်၍ Keyboard တွေက ကွဲပြားခြားနား သည်။ မြန်မာစာ Keyboard တွေမှာလည်း ထိုနည်းနှင်နှင်။ Frozen Keyboard ၊ Bagan Keyboard ၊ San Myanmar Keyboard စသည်ဖြင့် အမျိုးမျိုးရှိသည်။ သုံးသူတွေက မိမိနှင့်အဆင်ပြေမည် ထင်သည့် Keyboard ကို ရွေးသုံးကြပါသည်။ ဖုန်းထဲမှာအသင့်ထည့်ပေး လိုက်သည့် မြန်မာစာ Keyboard ကို သုံးချင်မှသုံးသည်။ ထို့ကြောင့် ဖုန်းထဲမှာ အသင့်ပါသည့် Android Keyboard ကို စွဲစွဲမြဲမြဲသုံးရမည်ဟု မမှတ်ယူစေလိုပါ။ အောက်တွင်ဖော်ပြထားသော ပိုမိုကောင်းမွန် သည့် Android Keyboard တို့ကို အဆင့်မြှင့်၍ သုံးကြည့်စေလိုပါသည်။ ယင်း Keyboard အများစုကို အခမဲ့ရနိုင်ပါသည်။

<Swiftkey>

www.bit.ly/swiftkey 4.6 မှနေ၍ download ဆွဲချပြီး အခမဲ့ အသုံးပြုနိုင် ပါသည်။ ဤ Keyboard သည် ၂၀၁၇ အတွက် အကောင်းဆုံး အဆင့် တွင်ရှိနေသလို ၂၀၁၄ တုန်းကလည်း အကောင်းဆုံး အခမဲ့ Android Keyboard ဖြစ်ခဲ့ဖူးပါသည်။ သူ့ကို အနီးကပ်ဆုံးပြိုင်နိုင်သည့် Gboard ရှိသော်လည်း Swiftkey က အကောင်းဆုံးအဆင့်ကို ရရှိခဲ့ပါသည်။ Swift သည် လုံးလုံးလျားလျားအခမဲ့ဖြစ်ပြီး premium version မရှိပါ။ ထို့ကြောင့် စွမ်းဆောင်ရည်လျှော့ချထားခြင်းမျိုးမရှိပါ။ interface က ရိုးရှင်းပြီး တတ်သိနားလည်လွယ်ပါသည်။

Swiftkey သည် text input အတွက် နည်းလမ်းသုံးမျိုးကိုရွေးချယ်ခွင့်ပေး ပါသည်။ ယင်းတို့မှာ အသံထွက်ရွတ်ပြပြီး စာရိုက်စေခြင်း၊ လက်ဖြင့် ရိုက်သွင်းခြင်း၊ အက္ခရာကီးများအား ဆက်တိုက်ထိတွေ့ပွတ်ဆွဲပြီး စာလုံးများရိုက်ခြင်း စသည့် နည်း လမ်းများဖြစ်ပါသည်။ အခြားသော Android Kyeboard များထက် Swiftkey ကခေါင်းတစ်လုံးသာရသည့် အကြောင်းမှာ ယင်း၏ auto-correction လုပ်နိုင်သော စွမ်းဆောင်ရည် ဖြစ်သည်။ ထို့ပြင်ရိုက်မည့် စာလုံးကိုလည်း စာလုံးတစ်လုံးနှစ်လုံး တည်းပြီးရုံနှင့် မှန်းဆပေးနိုင်သည်။

အက္ခရာအချို့ကို မှားယွင်းရိုက်နှိပ်ပြီးသည့်တိုင် စာရိုက်သူက မည်သည့် စာလုံးရိုက်လိုသည်ကို ဤ app က သိပါသည်။ လူတစ်ဦး၏ စာရိုက်ကျင့် ကို အမြဲလေ့လာမှတ်သားနေသောကြောင့်ဖြစ်သည်။ ထို့ကြောင့် မကြာခဏသုံးလေ့ရှိသော phrase များ၊ email address များကို သိနေသည်။ ထို့ကြောင့် ကီးတစ်လုံးနှစ်လုံးနှိပ်ပြီးသည်နှင့် မိမိရိုက်လိုရာ စာသားအမှန်သို့ ရောက် အောင် ကူညီပေးပါသည်။ ဤ Kyeboard တွင် အခြား Kyeboard များ မလိုက်နိုင်သော စိတ်ကြိုက်ရွေးချယ်ဖန်တီးခွင့်များ လည်း ရှိနေသည်။ ထို့ကြောင့် မိမိ၏လိုအပ်ချက် အတိအကျနှင့်အညီ Keyboard ကို အထိုင်ချနိုင်သည်။

လောလောဆယ်တွင် ရွေးချယ်နိုင်သော ကီးအရွယ်အစားငါးမျိုးရှိသည်။ ထို့ပြင် Theme အားလုံးကိုလည်း အခမဲ့ရယူ အသုံးပြုနိုင်သည်။ ထို့ပြင် အရွယ်ကြီးမားသော စမတ်ဖုန်းများ၌ လက်တစ်ဖက်တည်းဖြင့် လွယ်ကူစွာ စာရိုက်စေနိုင်မည့် Compact Layout လည်းရှိသည့် တက်ဘလက်များ အား Landscape mode တွင် ထားသည့်အခါ အလွယ်တကူ စာရိုက်နိုင်စေမည့် Thumb Layout ကိုလည်း ပေးထားပါသည်။ Keyboard ကို ဖုန်းထဲတွင် အသေမကိုင်ဘဲ Undock လုပ်ထားပြီး display ပေါ်တွင် မိမိရွှေ့လိုရာသို့ ရွှေ့ယူပြီး စာရိုက်နိုင်ခြင်းမှာ ထူးခြားချက်ဖြစ်သည်။

နောက်ဆုံးထွက် version တွင် ထူးခြားစွာပါဝင်သည့်အချက်မှာ Upboard ဖြစ်သည်။ ယင်းက app တစ်ခုခုရှိ text passage တို့အား တစ်ကြိမ်တွင် တစ်ခုမက copy လုပ်နိုင်အောင် ကူညီသည်။ ခြုံငုံ၍ ကြည့်လျှင် swiftkey သည် Keyboard အားလုံးအနက် user တတ်သိနားလည်ရန် အလွယ်ဆုံး ဖြစ်ပြီး စာရိုက်မှုကို မြန်မြန်ဆန်ဆန်နှင့် သက်သောင့်သက်သာဖြစ်အောင် အကူအညီပေးပါသည်။ ဤ Keyboard တွင် incognito mode ကို ထူးထူးခြားခြားပေးထားသော်လည်း user အချို့ကမူ swiftkey ၏ data collection များခြင်းကို စိုးရိမ်ကြပါသည်။ Swiftkey သည် အလွန် ကောင်းသော်လည်း ယင်း၏များပြားစုံလင်သော feature များကြောင့် device အဟောင်းများတွင် နှေးကွေးစွာ အလုပ်လုပ်ပါလိမ့်မည်။

<Gboard>

www.bit.ly/gboard 416 မှနေ၍ download ဆွဲချပြီး အခမဲ့ အသုံးပြုနိုင် ပါသည်။ ဤ Keyboard ကိုမူလက Google Keyboard ဟု အမည်ပေး ထားခဲ့ပါသည်။ Gboard သည် Android Keyboard နှိုင်းယှဉ်မှုထဲသို့ ရောက်လာသည်မှာ အတန်ပင် ကြာခဲ့ပါပြီ။ ယင်း၏ Layout မှာ ရိုးရှင်းသည့် Swiftkey မှာကဲ့သို့ပင် input method သုံးမျိုး (အသံထွက် ရွတ်ဆို၍ စာရိုက်စေ ခြင်း၊ လက်ဖြင့်စာရိုက်ခြင်း၊ လက်ဖြင့် ပွတ်ဆွဲပြီး စာရိုက်ခြင်း) ကို ပေးထားပါသည်။

အသေအချာကြည့်မည်ဆိုလျှင် Gboard ၌ သိသာထင်ရှားသော တိုးတက် မှုများရှိလာသည်ကိုတွေ့ရပါမည်။ Puntuation ရွေးချယ်မှုသည် ပိုမိုမြန်ဆန်ပြီး ပိုမိုလည်းလွယ်ကူလာပါသည်။ Symbol တို့အတွက် long-press key များကိုလည်း ပေးအပ်လာပါသည်။ နေ့စဉ်လုပ်ရသော အလုပ်များကို ပိုမိုမြန်ဆန်စွာလုပ်နိုင်ရန် gesture များအသုံးပြုခွင့်လည်း ရှိပါသည်။ ဥပမာပြရလျှင် backspace မှနေ၍ ဘယ်ဘက်သို့ပွတ်ဆွဲပြီး စာလုံးတစ်လုံးမက ဖျက်ပစ်နိုင်ခြင်းမျိုးဖြစ်ပါသည်။

Swiftkey မှာကဲ့သို့ပင် Gboard ၌လည်း မိမိစိတ်ကြိုက်ပြုပြင် စီရင်ခွင့်များ ပေးထားပါသည်။ ကီးဘုတ်အရွယ်အစား ရွေး ခြင်း၊ Theme ရွေးခြင်းတို့ ပြုလုပ်နိုင်သည့်အပြင် one-handed mode ကိုလည်း အသုံးပြုခွင့်ရှိပါ သည်။ ဤ Keyboard ၏ အထူး ခြားဆုံးအချက်မှာ အင်တာနက်ချိတ်ပြီး Google တွင် တိုက်ရိုက်ရှာဖွေခွင့်ရှိခြင်းဖြစ်ပါသည်။ Search engine မှပေးအပ်လာမည့် information တို့ကို ခလုတ်တစ်ချက်နှိပ်ရုံဖြင့် ရယူနိုင်မည့် သဘောဆောင်ပါသည်။ ထို့ပြင် search result များကို လက်ရှိ app ထဲသို့လည်း share လုပ်နိုင်ပါသည်။ GIF search engine ပါခြင်းမှာလည်း Gboard ၏ ထူးခြားချက်ဖြစ်ပါ၏။ သို့သော် အကောင်းဆုံး အဆင့်သို့ တက်လိုလျှင် ပိုမိုတိကျသောစာပြင်ပေးမှုများ၊ စာလုံးကြိုတင် မှန်းဆမှုများ ပြုလုပ်နိုင်ရန် လိုအပ်ပါလိမ့်မည်။

<Swype>

အခမဲ့ခေတ်ကြီးထဲတွင် အခမဲ့မရသော Android Keyboard ဖြစ်သည်။ ဈေးတော့မကြီး။ ၀.၃ ဒေါ်လာမျှသာပေးရပါသည်။www.bit.ly/swype416 မှနေ၍ download ဆွဲချပြီး အသုံးပြုရပါမည်။ ဤ Keyboard သည် ကီးများကိုဖိပြီး စာရိုက် မည့်အစား ကီးများကိုပွတ်ဆွဲပြီး စာရိုက်ခွင့်ပြုသည့် ပထမဆုံး Keyboard ဖြစ်သည်။ စာရိုက်ရာတွင် မြန်ဆန်ပြီး တိကျသေချာမှုလည်းရှိပါသည်။ အသံဖြင့်စာရိုက်ခိုင်းနိုင်သလို လက်ရေးဖြင့် စာရိုက်သွင်းနိုင်မှုမှာ ထူးခြားချက်ဖြစ်ပါသည်။ Stylus သုံးနိုင်သော device ဖြစ်လျှင် ယင်းစွမ်းဆောင်ရည်က ပို၍ပင်ထူးခြားပါ လိမ့်မည်။

device အမျိုးမျိုးတွင် အဆင်ပြေစွာ အသုံးပြုနိုင်ရန်အတွက် Stylus သည် Keyboard အရွယ်အစားအမျိုးမျိုးနှင့် Layout အမျိုးမျိုးကို ပြောင်းလဲခွင့်ပြု ပါသည်။ အခပေး app ဖြစ်သဖြင့် Theme ရွေးချယ်ပိုင်ခွင့်လည်း ပိုမို များပြားပါသည်။ အခြား Keyboard များနှင့်မတူသည်မှာ swype word suggestion ကို ငါးလုံးအထိသာပြသပေးခြင်း ဖြစ်ပါသည်။ စာလုံးများကို လက်ဖြင့်ရိုက်သွင်းရာ၌ spacebar ကြီးကြီး ထားပေးရန်လိုသော အားနည်းချက်လည်း ရှိပါသည်။




ဧဧသက်(ဖြိုးဓနဒစ်ဂျစ်တယ်ဓာတ်ပုံ)

Mobile Guide Journal (Every Monday)
https://www.facebook.com/officialmobileguidejournal








<<< အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။ >>>

 
 
 
 
 
 
 
 
www.pyaephyo.com

No comments :

Post a Comment

Related Posts Plugin for WordPress, Blogger...