မင်္ဂလာပါခင်ဗျာ :::: ကျွန်တော်တင်သမျှ Post လေးများသည် ကျွန်တော်လေ့လာဖူးသမျှကို ပြန်လည်မျှဝေပေးခြင်းဖြစ်ပါတယ်။ သူငယ်ချင်းအားလုံးလည်း ကျွန်တော့် site မှကြိုက်နှစ်သက်တဲ့ မည့်သည့် Post ကိုမဆို မြန်မာ IT နည်းပညာဖွံ့ဖြိုးတိုးတက်ရေးအတွက် ပြန်လည်မျှဝေပေးစေလိုပါတယ်ဗျာ။ ::::

Mogok

Monday, June 12

♪ OPPO A57 ကို ဝယ်ယူသင့်တဲ့အချက် ၄ ချက် ♫


(ကင်မရာ၊ စွမ်းဆောင်ရည်၊ လက်ဗွေဖတ်စနစ်နဲ့ ဘက်ထရီ)

Mid-range အမျိုးအစားဖုန်းတွေထဲကမှ ကိုယ်မျှော်မှန်းထားတဲ့ Feature နဲ့အရည်အသွေးမျိုးပါတဲ့ ဖုန်းတစ်လုံးကို ရှာဖွေနေတယ်ဆိုရင် OPPO A57 ကို ဝယ်ယူသင့်တဲ့အချက် ၄ ချက်အကြောင်းကို ဖော်ပြပေးလိုက်ချင်ပါတယ်။

ကင်မရာ

ဖုန်းဝယ်ပြီဆိုတာနဲ့ ရှေ့ကအရင်မေးတတ်ကြတာက ကင်မရာအရည်အသွေး ဘယ်လောက်လဲဆိုတဲ့မေးခွန်းပါ။ ကင်မရာက Megapixel တစ်ခုတည်းကြည့်ပြီး ခွဲလို့မရတဲ့အချက်ကိုလည်း နည်းနည်းလောက် ဖြည့်ပြောပါရစေ။ Megapixel ကြီးရင် ပုံကြီး ကြီးရနိုင်ပါတယ်။ ဒါပေမဲ့ နောက်ဆက်တွဲ Sensor အရွယ်အစားသေးပြီး အလင်းဝင်ပေါက် aperture သေးရင်လည်း အလုပ်မဖြစ်ပါဘူး။ ကြီးတာနဲ့ပုံက ဖွာသွားပါမယ်။ OPPO A57 ရဲ့ရှေ့ကင်မရာက 16MP ဖြစ်သလို sensor size ကလည်း 1/3-inch အရွယ်အစားရှိလို့ တော်တော်လေးကြီးပါတယ်။ အလင်းဝင်ပေါက် aperture က f/2.0 ဆိုတော့ အလင်းပိုရနိုင်လို့ ပိုမိုကြီးမားတဲ့ ပုံအရွယ်အစားနဲ့အတူ ပိုမိုကြည်လင်ပြတ်သားတဲ့ ရုပ်ထွက်မျိုးကို ရရှိစေမှာဖြစ်ပါတယ်။ နောက်ကင်မရာက 13MP အမျိုးအစားဖြစ်ပြီး Sony IMX258 sensor ကို သုံးထားလို့ ပုံမှန် 13MP ရှိတဲ့ ကင်မရာတွေနဲ့ ယှဉ်ရင်တောင် ရုပ်ထွက်ပို ကောင်းစေပါလိမ့်မယ်။ သူ့sensor က 1/3-inch ရှိပြီး အလင်းဝင်ပေါက်က f/2.2 ရှိပါတယ်။ ဒါဆိုရင် ကင်မရာ အရည်အသွေးကို အတော်လေးနှိုင်းယှဉ် ချိန်ဆနိုင်မယ် ထင်ပါတယ်။

စွမ်းဆောင်ရည်

ဖုန်းတစ်လုံးရဲ့ စွမ်းဆောင်ရည်ဆိုတာနဲ့ CPU နဲ့ RAM ကိုပြေးမြင်မိကြမယ် ထင်ပါတယ်။ OPPO A57 မှာ clock speed အလုပ် လုပ်နှုန်း လုံးဝတည်ငြိမ်တဲ့ Snapdragon 435 chipset ကို သုံးထားတာတွေ့ရပါတယ်။ ဒီ chipset က Octa-core 1.4 GHz နှုန်းနဲ့ အလုပ်လုပ်ပေးမှာပါ။ ဒါက နေ့စဉ်သုံးစွဲမှုတွေမှာ စက်ရဲ့အလုပ်လုပ်မှုကို အတည်ငြိမ်ဆုံး အနေအထားမျိုးနဲ့ ထောက်ပံ့ပေးထားမှာ ဖြစ်သလို RAM ကလည်း 3GB အထိ ပါဝင်တဲ့အတွက် app တွေဖွင့်တဲ့ အခါမျိုးမှာပဲဖြစ်ဖြစ်၊ recent app တွေပြန်လည် ရယူသုံးတဲ့ အခါမျိုးမှာပဲဖြစ်ဖြစ် စက်လေးတာမျိုး မရှိစေဘဲနဲ့ မြန်မြန်ဆန်ဆန် အလုပ်လုပ်စေမှာ ဖြစ်ပါတယ်။ စွမ်းဆောင်ရည်ကောင်းတဲ့ ဖုန်းတစ်လုံးဆိုတာ နေ့စဉ်ကိုယ်သုံးစွဲနေတဲ့ အခြေအနေတွေမှာ သွက်လက်မြန်ဆန်တဲ့နှုန်းနဲ့ အလုပ်လုပ်ပေးနိုင်တာမျိုးကို ခေါ်တာပါ။

လက်ဗွေဖတ်စနစ်

OPPO A57 ကတော့လက်ရှိ mid-range ဖုန်းတွေထဲမှာ အရည်အသွေးပိုကောင်းတဲ့ solid-state fingerprint ဆိုတဲ့ လက်ဗွေဖတ်စနစ်ကို ထည့်သွင်းပေးထားလို့ ၀.၂ စက္ကန့်အတွင်းမှာ ဖုန်းကို unlock လုပ်ဖွင့်ပေးနိုင်သလို solid-state အမျိုးအစားဖြစ်နေတဲ့ အချက်ကြောင်း ရေစိုစွပ်တဲ့လက်နဲ့ ဖွင့်ရင်တောင် ပွင့်သလို လက်ဗွေယာကို အတည့်၊ ဘေးတိုက်၊ ပြောင်းပြန်ဘယ်လို အနေအထားမျိုးထားပြီးဖွင့်ဖွင့် အလွယ်တကူ ပွင့်စေဦးမှာဖြစ်ပါတယ်။ သူ့ရဲ့ထူးခြားတဲ့ အားသာချက် တစ်ခုပါပဲ။

ဘက်ထရီ

ဟုတ်ကဲ့ပါ။ စမတ်ဖုန်းတစ်လုံးလို့ ပြောလိုက်တာနဲ့ ဒီဘက်ခေတ်မှာ တွဲဖက်ပြီး စိုးရိမ်တကြီးမေးလာတဲ့အချက်က ဘက်ထရီ ဘယ်လောက် mAh ပါသလဲဆိုတဲ့ အချက်ပါ။ OPPO A57 မှာသုံးထားတဲ့ ဘက်ထရီက Li-Ion 2900 mAh အမျိုးအစားပါ။ ဘက်ထရီအကြောင်းပြောရင် သူ့ချည်းပြောလို့ မပြီးသေးပါဘူး။ ဖုန်းရဲ့နောက်ခံ software UI အပိုင်းက ဘယ်လောက်အထိ ထောက်ပံ့ထားသလဲ ဆိုတာကိုပါ ထည့်သွင်းပြောဖို့လိုပါတယ်။ OPPO A57 မှာက ColorOS 3.0 ဆိုတဲ့ UI ကိုသုံးထားပြီး အဲ့ဒီ UI ရဲ့ထောက်ပံ့ပေးထားမှုကြောင်း ဘက်ထရီစားမှုတွေကို အများကြီး လျှော့ချပေးနိုင်ပါတယ်။ ဒါကြောင့် ဗွီဒီယိုတွေကြည့်မယ်ဆိုရင် ၁၁ နာရီအထိ ဆက်တိုက်ကြည့်နိုင်ပြီး၊ ဖုန်းပြောမယ်ဆိုရင်တော့ ၂၃ နာရီအထိ ဆက်တိုက်ပြော နိုင်ပါတယ်။ ပုံမှန်ပျဉ်းမျှသဘောမျိုးအဖြစ်နဲ့ သုံးမယ်ဆိုရင်တော့ ၁၃ နာရီနဲ့ မိနစ်၃ဝအထိ အသုံးခံစေမှာ ဖြစ်ပါတယ်။ ဒီအချက်က ဖုန်းတစ်လုံးကို ကိုယ့်အနေနဲ့ တစ်နေ့တာအတွင်းမှာ ဘယ်လိုသုံးတဲ့ အလေ့အထတွေ ရှိသလဲဆိုတဲ့ အချက်နဲ့ ချိန်ဆကြည့်နိုင်ပါတယ်။ ဓာတ်ပုံများများ ရိုက်ပြီး ဂိမ်းများများ ကစားတတ်တယ် ဆိုရင်တော့ နေ့တစ်ဝက်လောက်နဲ့တင် ဖုန်းအား ပြန်သွင်းရနိုင်တာကိုတော့ သတိပြုသင့်ပါတယ်။

ဒါကတော့ OPPO A57 ဖုန်းကိုဝယ်ယူချင်သူတွေ ဘာကောင်းသလဲဆိုတာကို အလွယ်တကူ သိရှိစေဖို့ ဖော်ပြပေးလိုက်တာ ဖြစ်ပါတယ်။

Endorsed by OPPO



-စည်သူ


Credit to ==> Internet Journal




<<< အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။ >>>

 
 
 
 
 
 
 
 
www.pyaephyo.com

No comments :

Post a Comment

Related Posts Plugin for WordPress, Blogger...