မင်္ဂလာပါခင်ဗျာ :::: ကျွန်တော်တင်သမျှ Post လေးများသည် ကျွန်တော်လေ့လာဖူးသမျှကို ပြန်လည်မျှဝေပေးခြင်းဖြစ်ပါတယ်။ သူငယ်ချင်းအားလုံးလည်း ကျွန်တော့် site မှကြိုက်နှစ်သက်တဲ့ မည့်သည့် Post ကိုမဆို မြန်မာ IT နည်းပညာဖွံ့ဖြိုးတိုးတက်ရေးအတွက် ပြန်လည်မျှဝေပေးစေလိုပါတယ်ဗျာ။ ::::

Yllix

Sunday, June 25

♪ Vivo ရဲ့ အသုံးဝင်လွန်းတဲ့ Long Screen Shot ♫


ဒီနေ့ခေတ်မှာ စမတ်ဖုန်း တွေကို တွင်တွင်ကျယ်ကျယ် အသုံးပြုလာကြတဲ့ အကြောင်းရင်းက ဘက်စုံ အသုံးဝင်လို့ပါပဲ။ စမတ်ဖုန်းတစ်လုံးရဲ့ အသုံးဝင်မှုဟာ အတော်လေးကို များပြားပါတယ်။ ဒါပေမယ့် ကျွန်တော်တို့တွေကတော့ များသောအားဖြင့် ဖုန်းပြောတာ၊ သီချင်းနားထောင်တာ၊ ဗွီဒီယိုကြည့်တာ၊ လူမှုကွန်ယက် အသုံးပြုတာ၊ ဂိမ်းဆော့တာလောက်ပဲ လုပ်ကြမယ်လို့ ထင်ပါတယ်။

ဒီနေ့တော့ ကျွန်တော့် အလုပ်ကိစ္စတစ်ခုကြောင့် အင်တာနက်မှာ ဟိုမွှေဒီမွှေလုပ်ရင်း Screen Shot နဲ့ ပတ်သက်လို့ အသုံးဝင်တာလေး တစ်ခုတွေ့လိုက်ပါတယ်။ ဒီလိုပါ။ ကျွန်တော်က ဖုန်းနဲ့ ၀က်ဘ်ဆိုက်တွေ လိုက်ဖတ်ပါတယ်။ ကျွန်တော်လိုချင်တဲ့ အချက်အလက်တွေ၊ ပုံတွေ၊ စာတွေနဲ့ ၀က်ဘ်ကို ဆိုက်ဆိုက်မြိုက်မြိုက်တွေ့ပါတယ်။ အိမ်ရောက်မှ ကွန်ပျူတာနဲ့ ပြန်ရှာရင်တော့ ရပါတယ်။ ဒါပေမယ့် အခုချက်ချင်းပဲ သိမ်းထားလိုက်ချင်တယ်။ စာတွေ ပုံတွေက အများကြီးဆိုတော့ ကော်ပီကူးဖို့လည်း မလွယ်ဘူး။ ဒါနဲ့ပဲ Screen Shot လုပ်ဖို့ ဆုံးဖြတ်လိုက်တယ်။ ထုံးစံအတိုင်းဆိုရင်တော့ ဖုန်းစခရင်မှာ ပေါ်သလောက်တစ်ကွက်ကို SS ရိုက်လိုက်၊ Save လုပ်လိုက်ပဲပေါ့။ ဒါပေမယ့် ကျွန်တော့် ဖုန်းမှာ အတော်လေးကို အသုံးဝင်တဲ့ function တစ်ခုပါလာတာကို တွေ့လိုက်ရတယ်။

အမိုက်စားပဲဗျာ။ Long screen shot လုပ်လို့ရတယ်။ ကျွန်တော်လိုချင်တဲ့ စာနဲ့ ပုံတွေအားလုံးကို တစ်ဆက်တည်းပဲ SS ရိုက်လို့ရတာကို ပြောတာပါ။ ၀က်ဘ်ပေ့ခ်ျရဲ့ အစကနေ အဆုံးအထိ တောက်လျှောက်ကြီး ဆက်တိုက်ဆွဲပြီး SS လုပ်လိုက်တယ်။ ပြီးတော့ ပုံတစ်ပုံတည်းအဖြစ် သိမ်းလိုက်တယ်။ စာတွေဖတ်လို့ရမရ ပြန်ဖွင့်ကြည့်လိုက်သေးတယ်။ အားလုံးအိုကေပဲ။ စာလုံးတွေ သေးရင် ချဲ့ပြီး ဖတ်လို့ရသေးတယ်။ တကယ်ပါ။ ပုံတွေလည်း တောက်လျှောက်တွဲလျက် ပါနေတော့ အဆင်ပြေတယ်။ ပြောရရင်တော့ လိုချင်တဲ့စာတွေ အားလုံးကို ဖိုင်အရှည်ကြီး တစ်ခုလို တစ်စုတစ်စည်းတည်း စုပြီးသိမ်းလိုက်တာမျိုးပေါ့။ ကျွန်တော့်ရဲ့ SS ကို ကျွန်တော့် လုပ်ဖော်ကိုင်ဖက်ဆီပို့လိုက်တော့ သူကတောင် တအံ့တသြနဲ့ ဘယ်လိုလုပ်လိုက်တာလဲဆိုပြီး မေးနေသေးတယ်။ ဒါနဲ့ ကျွန်တော်လည်း ကျွန်တော့်လိုမျိုး Vivo V5 Smart Phone သုံးစွဲတဲ့ တခြားသုံးစွဲသူတွေလည်း အသုံးဝင်အောင်ဆိုပြီး အခုလိုမျိုး စာရေးပြီး မျှဝေလိုက်ပါတယ်။

Funtouch OS နည်းပညာ သုံးထားတဲ့ Vivo ရဲ့ အသုံးဝင်မှုတွေထဲက တစ်ခုလို့ပြောရမယ်ထင်ပါတယ်။ ဒါနဲ့ ကျွန်တော်လည်း ထပ်ပြီးကလိကြည့်တော့ နောက်ထပ် အသုံးဝင်တာတွေလည်း တွေ့လိုက်ရတယ်။ ဒီလို အပေါ်အောက် Long Screen Shot အပြင် ဘေးတိုက်၊ အလျားလိုက်လည်း SS ရိုက်လို့ရတယ်။ လိုတာလေးကိုပဲ ကွက်ပြီးတော့လည်း ရိုက်လို့ရတယ်။ ဖျက်လို့ရတယ်။ ပြီးတော့ Screen Recording လည်း လုပ်လို့ရသေးတယ်။ Screen Recording လည်းတော်တော်မိုက်တယ်ဗျ။ ဒါပေမယ့် Screen Recording အကြောင်းကိုတော့ နောက်မှပဲ ကျွန်တော် ထပ်ပြီး အကျယ်တ၀င့် ရှင်းလင်း တင်ပြပေးပါမယ်။ အခုတော့ Long Screen Short ရိုက်ထားတဲ့ နမူနာ ပုံလေးတွေကိုပဲ တွဲပြီး တင်ပေးလိုက်ပါတယ်။

Long Screen Short ရိုက်ရတာ လွယ်ပါတယ်။ ဖုန်းရဲ့အောက်ခြေကနေ Swipe လုပ်လိုက်ရင် Shortcut Zone လေးပေါ်လာပါလိမ့်မယ်။ အဲဒီမှာ S-Capture လေး ရွေးလိုက်ရုံပါပဲ။ ပြီးရင်တော့ ကြိုက်သလောက် Long Screen Shot ရိုက်ပေတော့ပဲပေါ့။ စာဖတ်သူအားလုံး အဆင်ပြေကြမယ်လို့ မျှော်လင့်ပါတယ်။



Credit to ==> DigitalTimes.com.mm



<<< အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။ >>>

 
 
 
 
 
 
 
 
www.pyaephyo.com

No comments :

Post a Comment

Related Posts Plugin for WordPress, Blogger...