မင်္ဂလာပါခင်ဗျာ :::: ကျွန်တော်တင်သမျှ Post လေးများသည် ကျွန်တော်လေ့လာဖူးသမျှကို ပြန်လည်မျှဝေပေးခြင်းဖြစ်ပါတယ်။ သူငယ်ချင်းအားလုံးလည်း ကျွန်တော့် site မှကြိုက်နှစ်သက်တဲ့ မည့်သည့် Post ကိုမဆို မြန်မာ IT နည်းပညာဖွံ့ဖြိုးတိုးတက်ရေးအတွက် ပြန်လည်မျှဝေပေးစေလိုပါတယ်ဗျာ။ ::::

Mogok

Tuesday, July 25

♪ Huawei ရဲ့အဆင့်မြင့်စမတ်ဖုန်းတစ်လုံး - " Huawei P9 " Price - 559,000 Ks ♫

Image may contain: phone

Huawei P9 ဟာ Huawei ထုတ်လုပ်ခဲ့တဲ့ စမတ်ဖုန်းတွေထဲက အကောင်းဆုံးဖုန်းတွေထဲမှာ တစ်လုံးအပါအ၀င် ဖြစ်ပါတယ်။ ကင်မရာစွမ်းဆောင်ရည်နဲ့ မျက်နှာပြင်စွမ်းအားပိုင်းကို ပိုမိုကောင်းမွန်အောင် အားဖြည့်ထားတာကိုတွေ့ရပြီး ကျန်တဲ့ specs တွေနဲ့ features တွေကလည်း သုံးစွဲရတာ အဆင်ပြေပါတယ်။ ၄င်းဟာ အရင်ထုတ်လုပ်ခဲ့ P8 ရဲ့ ကိုယ်ထည်တည်ဆောက်ပုံဒီဇိုင်းအတိုင်း ပြုလုပ်ထားတဲ့အပြင် ပိုမိုကိုင်တွယ်သုံးစွဲလို့ကောင်းအောင် အဆင့်မြှင့်တင်ထားပါတယ်။ နောက်ကျောဘက်မှာ ယုံကြည်စိတ်ချစွာ အသုံးပြုနိုင်တဲ့ fingerprint sensor ပါရှိပြီး လျင်မြန်တိကျမှုလည်း ရှိပါတယ်။ GSM ၊ HSPA နဲ့ LTE networks တွေကို ထောက်ပံ့ပေးထားပြီး Micro SIM card 2 card ကို တစ်ပြိုင်နက်တည်း ထည့်သုံးနိုင်ပါတယ်။ ထည့်သွင်းထားတဲ့ Non-removable Li-Ion 3000 mAh battery က တစ်နေ့တာလုံး လုံလောက်တဲ့ ဘက်ထရီစွမ်းအားကို ပေးစွမ်းနိုင်ပါတယ်။ ၄င်းဖုန်းဟာ ဈေးကွက်ထဲက flagship ဖုန်းတွေနဲ့ယှဉ်ရင် ဈေးနှုန်းက အလယ်အလတ်တန်းစား အဆင့်လောက်ရှိတာကို တွေ့ရပါတယ်။

* Design & Build *

ဖုန်းရဲ့ တည်ဆောက်ထားတဲ့ဒီဇိုင်းပုံစံက သေသပ်လှပပြီး ကိုင်တွယ်အသုံးပြုရတာလည်း ထည်ထည်ဝါ၀ါ ရှိပါတယ်။ ကိုယ်ထည်တစ်ခုလုံးက တောက်ပပြောင်လက်နေတဲ့ အလူမီနီယံနဲ့ ပြုလုပ်ထားလို့ မပေါ့မလေးနဲ့ အနေတော်အလေးချိန် ရှိပါတယ်။ ဘေးထောင့်တွေက အနည်းငယ်ဝိုင်းနေတဲ့အတွက် ရှိတာထက် ပိုပါးလွှာတယ်လို့တောင် ထင်ရပါတယ်။ ဖုန်းအရွယ်အစားက 145 x 70.9 x 7 mm ရှိပြီး 144g လေးပါတယ်။ ဒါကြောင့် iPhone 6S နဲ့ အရွယ်အစားတူညီပြီး မျက်နှာပြင်အကျယ်က 6S ထက် ပိုကျယ်ပါတယ်။ ဖုန်းရဲ့မျက်နှာပြင်အပေါ်ဘက်မှာ အရှေ့ကင်မရာ Lens နဲ့ အောက်ခြေဘက်မှာ capacitive button ၃ ခု ပါရှိပါတယ်။ နောက်ကျောဘက်ရဲ့ အပေါ်ညာဘက်ထောင့်စွန်းနားမှာ အနောက်ကင်မရာ Lens ၂ ခုကို ဘေးတိုက်ယှဉ်ထားပြီး အောက်ဘက်မှာ fingerprint sensor ကို တပ်ဆင်ထားပါတယ်။ ကင်မရာ lens တွေရဲ့ ဘေးနားမှာ flash မီးလုံးလေး တည်ရှိပါတယ်။ ဖုန်းရဲ့ ညာဘက်ဘေးဘောင်မှာ ပါဝါခလုတ်နဲ့ အသံအတိုးအကျယ်ခလုတ်တို့ရှိပြီး ဘယ်ဘက်မှာတော့ SIM Card tray ကို ထားပေးထားပါတယ်။ ဖုန်းဒီဇိုင်းက premium ကျကျ လှပခန့်ညားပြီး ၄င်းနဲ့လိုက်ဖက်ညီတဲ့ ရွှေရောင်၊ ငွေရောင်၊ အဖြူရောင်၊ အနီရောင်၊ အပြာရောင်နဲ့ မီးခိုးရောင်တို့ကို စုံလင်စွာ ထုတ်လုပ်ပေးထားပါတယ်။

* Display *

ဖုန်းမျက်နှာပြင်ကို 5.2-inch ကျယ်တဲ့ IPS-NEO LCD Capacitive touch screen display အမျိုးအစားနဲ့ ပြုလုပ်ထားပြီး 1080 x 1920 pixels ရှိတဲ့ Full HD မြင်ကွင်းစွမ်းအားတွေကို ပြသပေးနိုင်ပါတယ်။ 1 လက်မမှာ သိပ်သည်းဆပမာဏက ~423 ppi pixels ရှိပါတယ်။ မျက်နှာပြင်ပေါ်မှာ multitouch စနစ်ပါရှိပြီး မျက်နှာပြင်ကို Corning Gorilla Glass နဲ့ ထပ်မံဖုံးအုပ်ကာကွယ်ပေးထားပါတယ်။

* Operating System and Camera *

ကိုယ်ထည်အတွင်းထဲမှာ Android OS, v 6.0 (Marshmallow) ကို run ထားပြီး Emotion UI 4.1 ကို အသုံးပြုထားပါတယ်။ အနောက်ကင်မရာက 12 MP + 12 MP ရှိတဲ့ dual camera စနစ်ကို သုံးထားတဲ့အတွက် ဓာတ်ပုံတွေနဲ့ ဗီဒီယိုအရည်အသွေးတွေက အံ့မခန်းလောက်အောင် ကောင်းမွန်ပါတယ်။ အရှေ့ကင်မရာကတော့ 8 MP ရှိပြီး လှပတဲ့ selfie ဓာတ်ပုံတွေနဲ့ full HD ဗီဒီယိုတွေကို ရိုက်ကူးပေးနိုင်ပါတယ်။

* Performance *

ဖုန်းတစ်လုံးရဲ့ အဓိကအရေးကြီးဆုံးအပိုင်းဖြစ်တဲ့ စက်စွမ်းဆောင်ရည်ပိုင်းကို HiSilicon Kirin 955 Chipset နဲ့ Octa-Core 4 x 2.5 GHz Cortex- A72 & 4 x 1.8 GHz Cortex-A53 processor တို့က ဟန်ချက်ညီညီ အကောင်းဆုံးပူးပေါင်းဆောင်ရွက်ပေးနိုင်တဲ့အပြင် Mali-T880MP4 graphics Card ကလည်း အထောက်အပံ့ ပေးနိုင်ပါတယ်။ ဒါ့အပြင် RAM 3GB ပါရှိပြီး ၄င်းတို့ကလည်း စွမ်းဆောင်ရည်ပိုင်းနဲ့ ယာယီမှတ်ဥာဏ်စွမ်းအားပိုင်းအတွက် များစွာအထောက်အကူဖြစ်ပါတယ်။ ဒါကြောင့် နောက်ဆုံးပေါ်ဂိမ်းတွေနဲ့ apps အားလုံးကို အဆင်ပြေပြေ ကစားနိုင်မှာဖြစ်ပြီး multi-taskings တွေကိုလည်း နှောင့်နှေးကြန့်ကြာမှုမရှိစေဘဲ လျင်မြန်စွာ လုပ်ဆောင်နိုင်မှာပဲ ဖြစ်ပါတယ်။

Specification

Display : 5.2 inch, IPS-NEO LCD Capacitive Touchscreen Memory : 32 GB, 3GB RAM, microSD, up to 256 GB
Camera : 12MP (Back), autofocus, LED Flash
OS : Android OS, v 6.0 (Marshmallow)

Phone - 01-391789 (Unique)

Price - 559,000 Ks



NetGuide Journal (Every Wednesday)
https://www.facebook.com/officialnetguidejournal








<<< အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။ >>>

 
 
 
 
 
 
 
 
www.pyaephyo.com

No comments :

Post a Comment

Related Posts Plugin for WordPress, Blogger...