မင်္ဂလာပါခင်ဗျာ :::: ကျွန်တော်တင်သမျှ Post လေးများသည် ကျွန်တော်လေ့လာဖူးသမျှကို ပြန်လည်မျှဝေပေးခြင်းဖြစ်ပါတယ်။ သူငယ်ချင်းအားလုံးလည်း ကျွန်တော့် site မှကြိုက်နှစ်သက်တဲ့ မည့်သည့် Post ကိုမဆို မြန်မာ IT နည်းပညာဖွံ့ဖြိုးတိုးတက်ရေးအတွက် ပြန်လည်မျှဝေပေးစေလိုပါတယ်ဗျာ။ ::::

Mogok

Friday, August 11

♪ သင် မသိတဲ့ Google ရဲ့ အကောင်းစား Android App များ ♫


Google ရဲ့ Gmail, Maps စတဲ့ Apps များကိုတော့ စာဖတ်သူများ သိရှိကြပါတယ်။ ဒါပေမယ့် Google ဟာ Android Apps များစွာကို ဖန်တီးပေးထားပါတယ်။ အဲဒီအထဲကမှ သင် မသိတဲ့ Google ရဲ့ အကောင်းစား Android App များကို ဖော်ပြပေးလိုက်ပါတယ်။

၁။ Wallpapers


Google Wallpapers မှာ Satellite ကနေ ကမ္ဘာမြေကို ရိုက်ကူးထားတဲ့ Wallpapers များကို အဓိက ပံ့ပိုးပေးထားပါတယ်။ ဒါ့အပြင် အနုပညာနဲ့ ပတ်သက်တဲ့ Wallpapers များလည်း ပါပါတယ်။ သူ့မှာ Wallpaper များကို နေ့စဉ် အလိုအလျှောက် ပြောင်းလဲပေးတဲ့ DailyWallpaper စွမ်းဆောင်ချက်လည်း ပါပါတယ်။

၂။ PhotoScan
PhotoScan ဟာ ဓါတ်ပုံများကို စကင်ဖတ်၍ ဒစ်ဂျစ်တယ် ဓါတ်ပုံ အဖြစ် ပြောင်းလဲပေးနိုင်ပါတယ်။ သူ့ရဲ့ ဓါတ်ပုံများကို စကင်ဖတ်တဲ့ စွမ်းရည်ဟာ ကောင်းမွန်တဲ့အတွက် လှပတဲ့ ဒစ်ဂျစ်တယ် ဓါတ်ပုံများကို ဖန်တီးပေးနိုင်ပါတယ်။ App ကို ဖွင့်ပြီး ဖုန်းကင်မရာကနေ ဓါတ်ပုံကို စကင်ဖတ်လိုက်တာနဲ့ အဆင်ပြေပါပြီ။ သူက အရောင်များကို အလိုအလျှောက် ချိန်ညှိပေးပြီး ဓါတ်ပုံများမှာ ပါလေ့ရှိတဲ့ အလင်း စူးရှခြင်းကိုလည်း လျှော့ချပေးပါတယ်။

၃။ Snapseed


Snapseed ဟာ လွန်ခဲ့တဲ့ နှစ်အနည်းငယ်က Google ၀ယ်ယူထားတဲ့ ဓါတ်ပုံတည်းဖြတ်တဲ့ App ဖြစ်ပါတယ်။ သူဟာ သင့်ရဲ့ ဓါတ်ပုံများမှာ Filter များစွာ ထည့်သွင်းပေးနိုင်တဲ့ အစွမ်းထက်တဲ့ ဓါတ်ပုံ ပြင်ဆင်တဲ့ စွမ်းဆောင်ချက်များ ပါပါတယ်။ အခမဲ့ အသုံးပြုနိုင်ပြီး ကြော်ညာများလည်း မပါပါဘူး။ Face Enhance, Healing, White Balance, Perspective, True Image, Crop, Rotate စတဲ့ Editing Tools များလည်း ပါပါတယ်။

၎။ Google Fit


Google Fit ကို Android Phones များမှာ ကြိုတင်ထည့်သွင်းထားခြင်း မရှိတာ နှမြောစရာပါ။ သူက သင့်ရဲ့ ကျန်းမာရေးကို အထောက်အကူပြုပေးပါတယ်။ သင် လမ်းလျှောက်တဲ့ ခြေလှမ်းများ၊ အကွာအဝေးများကို သူက တွက်ချက်ပေးနိုင်ပါတယ်။ ကိုယ်လက်လှုပ်ရှားမှုများနဲ့ သင့်ရဲ့ ကိုယ်အလေးချိန်ကို အမြဲတွက်ချက်ပေးပါတယ်။ သူဟာ RunKeeper လို ကိုယ်လက်လှုပ်ရှားမှု တိုင်းတာတဲ့ Apps များနဲ့ တွဲဖက် အလုပ်လုပ်ပါတယ်။

၅။ Google Opinion Rewards


Google Opinion Rewards မှာ ဆာဗေး သို့မဟုတ် စစ်တမ်းများကို ဖြေဆိုတာနဲ့ Apps, Games, Movies များကို ၀ယ်ယူနိုင်တဲ့ Google Play Credit ကို ရရှိမှာ ဖြစ်ပါတယ်။ အားလပ်ချိန်များမှာ သူ့ကို အသုံးပြုခြင်းဖြင့် အပိုဝင်ငွေ ရရှိမှာ ဖြစ်ပါတယ်။

၆။ Google Trips
Google Trips မှာ လေယာဉ်ခရီးစဉ်များ၊ ဟိုတယ်များ၊ သွားနိုင်မယ့် ခရီးစဉ်များကို ပံ့ပိုးပေးထားပါတယ်။ အဲဒီ သတင်းအချက်အလက်များကို ဒေါင်းလုပ်လုပ်ထားပြီး Offline ကြည့်နိုင်အောင် စီစဉ်ပေးထားတာက ခရီးသွားများအတွက် အဆင်ပြေပါတယ်။ တည်နေရာတစ်ခုရဲ့ အနီးအနားမှ အထင်ကရနေရာများကို ပြသပေးထားပါတယ်။ မြေပုံမှာ ခရီးစဉ်အတွက် အစီအစဉ်များကို ရေးဆွဲနိုင်ပါတယ်။ ခရီးစဉ်မှာ ပြုလုပ်ရမယ့် အပန်းဖြေစရာများကိုလည်း လေ့လာနိုင်ပါတယ်။

၇။ Chrome Remote Desktop


Android အတွက် Remote Desktop Viewers များစွာ ရှိပါတယ်။ အချို့ကို အခပေး အသုံးပြုနိုင်ပြီး အချို့ကတော့ အခမဲ့ ဖြစ်ပါတယ်။ Remote Desktop Viewer များက သင့်ရဲ့ စမတ်ဖုန်းကနေ သင့်ရဲ့ ဒတ်စတော့ ကွန်ပြူတာကို ထိန်းချုပ်ပေးနိုင်ပါတယ်။ အဲဒီအထဲမှ Google ရဲ့ Chrome Remote Desktop App က သင့်ရဲ့ Android ကနေ ပီစီကို ထိန်းချုပ်နိုင်ပါတယ်။ ဒတ်စတော့မှ Chrome Browser မှာ Extension ကို အင်စတောလုပ်ထားရမှာပါ။





Credit to ==> DigitalTimes.com.mm




<<< အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။ >>>

 
 
 
 
 
 
 
 
www.pyaephyo.com

No comments :

Post a Comment

Related Posts Plugin for WordPress, Blogger...