မင်္ဂလာပါခင်ဗျာ :::: ကျွန်တော်တင်သမျှ Post လေးများသည် ကျွန်တော်လေ့လာဖူးသမျှကို ပြန်လည်မျှဝေပေးခြင်းဖြစ်ပါတယ်။ သူငယ်ချင်းအားလုံးလည်း ကျွန်တော့် site မှကြိုက်နှစ်သက်တဲ့ မည့်သည့် Post ကိုမဆို မြန်မာ IT နည်းပညာဖွံ့ဖြိုးတိုးတက်ရေးအတွက် ပြန်လည်မျှဝေပေးစေလိုပါတယ်ဗျာ။ ::::

Yllix

Friday, August 25

♪ “Social Account Hacking နဲ့ နာမည်ကြီးလာတဲ့ OurMine” ♫

Image may contain: screen and laptop


လွန်ခဲ့တဲ့သီတင်းပတ်က နာမည်ကျော်ရုပ်သံလိုင်း HBO ရဲ့ Facebook နဲ့ Twitter အကောင့်တွေ Hack ခံခဲ့ရပါတယ်။ ဒီဆိုက်ဘာ တိုက်ခိုက်မှု ကိုပြုလုပ်ခဲ့တဲ့ ဟက်ကာတွေကတော့ OurMine လို့ နာမည်ပေး ထားတဲ့ ဟက်ကာအုပ်စုတစ်စုဖြစ်ပါ တယ်။ ဒါပေမယ့် သတင်းအချက်အလက် ခိုးယူတာမျိုးတွေ၊ ဝေဖန် တိုက်ခိုက်တာမျိုးတွေမရှိခဲ့ဘဲ သူတို့ရဲ့ အစွမ်းအစနဲ့ ဆိုက်ဘာ လုံခြုံရေးဝန်ဆောင်မှုတွေကို ထင်ပေါ်ကျော်ကြား စေလိုတဲ့အနေနဲ့ အခုလို အကောင့်ခိုးယူမှုတွေပြုလုပ်ခဲ့တာပဲဖြစ်ပါတယ်။ HBO ရဲ့ Social Account နှစ်ခုဆီကို OurMine က ပေးပို့ခဲ့တဲ့ မက်ဆေ့ တွေမှာ “ဟိုင်း ... OurMine အဖွဲ့ကပါ။ ခင်ဗျားတို့ရဲ့ ဆိုက်ဘာ လုံခြုံရေးကို စမ်းသပ်နေတာပါ။” လို့ပဲ ရေးသားထားခဲ့ပါတယ်။

တကယ်တော့ OurMine အဖွဲ့ရဲ့ ဆော့ကစားခြင်းခံခဲ့ရတဲ့ မီဒီယာ ကုမ္ပဏီဟာ HBO တစ်ခုတည်း မဟုတ်ပါဘူး။ ပြီးခဲ့တဲ့ နှစ်တွေမှာလည်း Netflix ၊ Marvel နဲ့ Google တို့လိုကုမ္ပဏီကြီးတွေရဲ့ Twitter အကောင့် တွေကို OurMine က Hack လုပ်ခိုးယူခဲ့ပါသေးတယ်။ အဆိုပါ ဖြစ်ရပ် တွေမှာလည်း မီဒီယာကုမ္ပဏီတွေရဲ့ ဆုံးရှုံးမှုတစ်စုံတစ်ရာမရှိခဲ့ဘဲ OurMine အဖွဲ့က ဆိုရှယ်မီဒီယာအကောင့်တွေအပေါ် သူတို့ရဲ့ ထိန်းချုပ်နိုင်စွမ်းကိုသာ ပြသသွားခဲ့တာဖြစ်ပါတယ်။ တစ်နည်းအားဖြင့် တော့ OurMine ဟာ နာမည်ကျော်ကြားတဲ့မီဒီယာတွေရဲ့ ဆိုရှယ် အကောင့်တွေကို ခိုးယူခြင်းအားဖြင့် ပိုမိုထင်ရှား လူသိများအောင် လုပ်ပြခဲ့တဲ့သဘောပဲဖြစ်ပါတယ်။ နောက်ဆုံးပြုလုပ်ခဲ့တဲ့ HBO ရုပ်သံလိုင်းရဲ့ ဆိုရှယ်မီဒီယာ အကောင့်နှစ်ခုကို ခိုးယူခဲ့တာဟာလည်း HBO ဟာ Game of Thrones ဇာတ်လမ်းတွေ နဲ့ အောင်မြင်နေတာ ကြောင့်ပဲဖြစ်ပါတယ်။ OurMine ခိုးယူခဲ့တဲ့ Twitter အကောင့်ဟာ HBO က ဖွင့်လှစ်ထားတဲ့ Game of Thrones ဇာတ်လမ်းတွဲရဲ့ တရားဝင် Twitter စာမျက်နှာလည်းဖြစ်ပါတယ်။

အထက်ကဖော်ပြခဲ့တဲ့အတိုင်း OurMine ဟာ ဆိုက်ဘာရာဇ၀တ်မှုတွေ ကျူးလွန်နေတဲ့အဖွဲ့အစည်း မဟုတ်ဘဲ ဆိုရှယ် မီဒီယာလုံခြုံရေးကို တာဝန်ယူဆောင်ရွက်ပေးနေတဲ့ ဟက်ကာအဖွဲ့အစည်း တစ်ခုဖြစ် တယ်ဆိုတာပါပဲ။ တစ်ခုရှိတာက သူတို့ နာမည်ကြီးဖို့အတွက် မီဒီယာကုမ္ပဏီ၊ ထင်ရှားကျော်ကြားသူ Celebrity တွေရဲ့ ဆိုရှယ်အကောင့်တွေကို ခေတ္တ ခိုးယူအသုံးချ လေ့ရှိတာပဲဖြစ်ပါတယ်။ OurMine အဖွဲ့ကို ၂၀၁၄ ခုနှစ်က စတင်ဖွဲ့စည်းခဲ့ပြီး ဆော်ဒီနိုင်ငံအခြေစိုက်ဟက်ကာအဖွဲ့ဖြစ်ကြောင်း သိရပါတယ်။ သူတို့ရဲ့ ပထမဆုံးလှုပ်ရှားမှုကတော့ ၂၀၁၆ ခုနှစ်မှာ စတင်ခဲ့ပြီး နာမည်ကျော် Wikipedia Website ပူးတွဲ တည်ထောင်သူ Jimmy Wales နဲ့ Pokemon Go မိုဘိုင်းဂိမ်းရေးဆွဲသူ John Hanke တို့ရဲ့ Twitter စာမျက်နှာတွေကို Hack လုပ်ခဲ့ပါတယ်။ အဲဒီနောက်မှာ ဆက်တိုက်ဆိုသလိုပဲ Twitter ပူးတွဲတည်ထောင်သူ Jack Dorsey ၊ Google စီအီးအို Sundar Pichai နဲ့ Facebook တည်ထောင်သူ Mark Zuckerberg တို့ရဲ့ Twitter အကောင့်တွေကို ထပ်ပြီး Hack လုပ်ခဲ့ပြန် ပါတယ်။ အထူးသဖြင့် Twitter တည်ထောင်သူ ရဲ့အကောင့်ကိုတောင် ပြန်ပြီး Hack လုပ်ခဲ့ချိန်မှာတော့ OurMine ရဲ့အစွမ်းအစကို နည်းပညာ နယ်ပယ်က အသိအမှတ်ပြုလာခဲ့ရပါတယ်။ ဒါ့အပြင် OurMine ဟာ ဆိုရှယ်မီဒီယာရဲ့ရှေ့ဆောင်လမ်းပြလို့ဆိုနိုင်တဲ့ Zuckerberg ရဲ့ Pinterest အွန်လိုင်းအကောင့်ကိုတောင် Hack လုပ်ခဲ့သေးတယ်လို့ သိရပါတယ်။

ဒါ့အပြင် OurMine အဖွဲ့ဟာ လူပုဂ္ဂိုလ်တွေရဲ့ ဆိုရှယ်အကောင့်တွေ ကိုသာ Hack လုပ်ခဲ့တာမဟုတ်ဘဲ နည်းပညာ သတင်း Website TechCrunch ကိုလည်း Hack ခဲ့ပါသေးတယ်။ ဒီအဖွဲ့ရဲ့ ရည်မှန်းချက် ကတော့ White Hat လို့ခေါ်တဲ့ ကွန်ပျူတာကွန်ရက်လုံခြုံရေးအတွက် တရားဝင်လှုပ်ရှားကာကွယ်ခွင့်ရှိတဲ့ အဖြူရောင်ဟက်ကာတွေအဖြစ် နည်းပညာနယ်ပယ် မှာ နေရာရရှိလိုတာပဲဖြစ်ပါတယ်။ ဒါပေမယ့် နာမည်ကျော်ပုဂ္ဂိုလ်တွေရဲ့ အကောင့်တွေကို ခွင့်ပြုချက်မရဘဲ ၀င်ရောက် ထိန်းချုပ် ခဲ့တာကြောင့် ဝေဖန်ပြစ်တင်မှုတွေကိုလည်း ခံယူခဲ့ရပါတယ်။ ၂၀၁၆ ခုနှစ်၊ အောက်တိုဘာလမှာတော့ OurMine အဖွဲ့နဲ့ပတ်သက်မှု ရှိတယ်ဆိုတဲ့ ဆော်ဒီဆယ်ကျော်သက်လူငယ်တစ်ယောက်အကြောင်း ကိုနယူးယော့ခ်အခြေစိုက် BuzzFeed သတင်းဌာန က ဖော်ပြသွား ခဲ့ပါတယ်။ ဒါပေမယ့် OurMine အဖွဲ့ကတော့ ဒီလူငယ်ဟာ သူတို့အဖွဲ့ရဲ့ ပရိသတ်တစ်ဦးသာဖြစ်တယ်လို့ တုံ့ပြန်ခဲ့ပါတယ်။ ဒါတင်မကသေးဘဲ ဒီအကြောင်းဖော်ပြပြီး တစ်ရက်အကြာမှာပဲ OurMine အဖွဲ့ဟာ BuzzFeed ရဲ့ Website ကို ထိုးဖောက်တိုက်ခိုက်ခဲ့ပါတော့တယ်။ ၂၀၁၇ ခုနှစ်အတွင်းမှာတော့ OurMine အဖွဲ့ရဲ့ အစွမ်းဟာ ပိုမိုထက်မြက်လာပြီး YouTube မီဒီယာချန်နယ်တွေကိုပါ Hack လုပ်နိုင်ခဲ့ပါတော့တယ်။ သူတို့ရဲ့နောက်ဆုံးလှုပ်ရှားမှုကတော့ HBO ရဲ့ တရားဝင် အကောင့် စာမျက်နှာတွေနဲ့ အဆိုပါကုမ္ပဏီ ကပြသနေတဲ့ ဇာတ်လမ်းတွဲတွေရဲ့ Twitter အကောင့်တွေကို Hack ခဲ့တာပဲဖြစ်ပါတယ်။

Ref : (https://en.wikipedia.org/)

ကိုဆွဲ(မုံရွာ)









<<< အောက်ကကြော်ငြာကိုတစ်ချက်လောက်နှိပ်ခဲ့ပေးစေချင်ပါတယ်ဗျာ။ ကျွန်တော့်ကိုတစ်ဖက်တစ်လမ်းကကူညီရာရောက်ပါတယ်ဗျာ။ >>>

 
 
 
 
 
 
 
 
www.pyaephyo.com

No comments :

Post a Comment

Related Posts Plugin for WordPress, Blogger...